گوگل نیوز پر ہمیں فالو کریںواشنگٹن: امریکی تاریخ میں پہلی بار سیاہ فام خاتون کو سپریم کورٹ کی جج کے عہدے کیلئے نامزد کیا گیا ہے جبکہ نامزدگی صدرِ مملکت جو بائیڈن کی جانب سے عمل میں لائی گئی۔
سماجی رابطے کی ویب سائٹ ٹوئٹر پر اپنے پیغام میں امریکی سفارت خانے کا کہنا ہے کہ 25 فروری کو امریکی صدر جو بائیڈن نے سیاہ فام خاتون کیتانجی براؤن جیکسن کو سپریم کورٹ کی 116ویں ایسوسی ایٹ جج مقرر کیا۔
روسی افواج یوکرین کے دوسرے بڑے شہر میں داخل
اسلام آباد میں واقع امریکی سفارت خانے کا کہنا ہے کہ کیتانجی براؤن جیکسن وہ پہلی سیاہ فام خاتون ہیں جو سپریم کورٹ کے عہدے کیلئے نامزد کی گئیں جبکہ وہ عدالتِ عظمیٰ کی چھٹی خاتون جج بن سکتی ہیں جبکہ یہ نامزدگی تاریخی اہمیت کی حامل ہے۔
On Feb 25, @POTUS nominated Judge Ketanji Brown Jackson to become the 116th Associate Justice of the U.S. Supreme Court. She is the 1st Black woman nominated to the Supreme Court & could be the 6th woman to serve as a Supreme Court Justice. ⚖️What a historic nomination! 👏🏽 #BHM https://t.co/NwIeNaQuqq
— U.S. Embassy Islamabad (@usembislamabad) February 28, 2022
ٹوئٹر پیغام میں امریکی سفارت خانے نے امریکی صدر کی ویڈیو بھی شیئر کی جس میں جو بائیڈن کا کہنا ہے کہ امریکی سپریم کورٹ سے جسٹس برائر کی ریٹائرمنٹ کے بعد صدر کی حیثیت سے میری آئینی ذمہ داری ہے کہ کسی جج کا تقرر عمل میں لاؤں۔
امریکی صدر نے کہا کہ میں نے سپریم کورٹ کے جج کے عہدے کیلئے مضبوط کوائف، ریکارڈ اور کردارکے ساتھ ساتھ قانون کی حکمرانی کیلئے پر عزم خاتون کا انتخاب کیا اور مجھے کیتانجی براؤن جیکسن کو نامزد کرتے ہوئے خوشی محسوس ہورہی ہے۔
