گوگل نیوز پر ہمیں فالو کریںسائنس دانوں نے بے شمار فوائد کی حامل پانی پر تیرنے والی دھات تیار کر لی ہے جس میں سوراخ کرنے کے باوجود وہ پانی یا کسی بھی سیال مائع میں تیرتی رہتی ہے۔
یونیورسٹی آف روچیسٹر کے ڈاکٹر ایڈم فرینسٹر اور ساتھیوں نے مل کر ایک نیا مادّہ تخلیق کیا ہے جسے سپر ہائیڈروفوبک میٹریل کا نام دیا گیا ہے جس میں ایک چینی انسٹیٹیوٹ آف فزکس نے بھی ان کی مدد کی۔
یہ بھی پڑھیں: اب ہر شخص آپ کو اپنے واٹس ایپ گروپ میں ایڈ نہیں کرسکے گا۔نئی سیٹنگ متعارف
ڈاکٹر ایڈم فیرینسٹر اور ساتھیوں نے اس دھات کی ایجاد میں المونیم کا استعمال کیا ہے، تاہم اس کے اجزاء میں تبدیلی لانے کے بعد انتہائی باریکی سے خاص پیٹرن بنا کر ان میں ہوا بھردی گئی ہے۔
ہواکی مدد سے دھاتی مادّہ پانی میں ڈوبنے سے بچا رہتا ہے جبکہ مادّے میں سوراخ ہوجانے کے بعد بھی بھری گئی ہوا اس میں سے نہیں نکلتی اور اسے پانی پر تیرنے میں مسلسل مدد کرتی رہتی ہے۔
روچیسٹر یونیورسٹی کے سائنسدانوں کی ایجاد کو بین الاقوامی سطح پر بہت سراہا جارہا ہے جبکہ اس قسم کی دھات کی مدد سے برقی آلات کو واٹر پروف بنانے کے ساتھ ساتھ دیگر متعدد کام لیے جاسکتے ہیں۔
قدرتی طور پر لیتھیم، پوٹاشیم اور سوڈیم ایسی دھاتیں ہیں جو پانی پر تیر سکتی ہیں، تاہم ان کو پانی میں ڈالتے ہی یہ پانی کے ساتھ کیمیائی تعامل کرنے لگتی ہیں۔ اگر ہم سوڈیم کو پانی کی سطح پر رکھیں تو پانی کی سطح پر آگ لگ جاتی ہے۔
علمِ کیمیاء کے تحت لیتھیم، سوڈیم اور پوٹاشیم کی کمیت کم ہونے کے باعث یہ دھاتیں پانی پر تیرتی ہیں، تاہم یہ دھاتیں پانی کے ساتھ ساتھ ہوا سے بھی کیمیائی تعامل کرنے لگتی ہیں، اس لیے ان دھاتوں کو منرل آئل میں رکھنا پڑتا ہے۔
یاد رہے کہ اس سے قبل متحدہ عرب امارات کے ایک سینئر عہدیدار نے بتایا کہ ان کی حکومت واٹس اپ کے ذریعے وائس کالز پر پابندی ختم کرنے کے لیے تیار ہے۔
متحدہ عرب امارات کی سائبر سیکیورٹی اتھارٹی کے ایگزیکٹو ڈائریکٹر محمد الکویتی نے گزشتہ روز امریکی ٹی وی کو بتایاکہ متحدہ عرب امارات نے قومی سلامتی کے اقدامات پر واٹس اپ کے ساتھ اپنا تعاون بڑھانے کا فیصلہ کیا ہے۔
مزید پڑھیں: متحدہ عرب امارات کا واٹس اپ کے ذریعے وائس کال پرپابندی ہٹانے کا اعلان
