گوگل نیوز پر ہمیں فالو کریںراولپنڈی: پاک فوج کے ترجمان میجر جنرل آصف غفور کا کہنا ہے بھارتی آرمی چیف مسلسل غیر ذمہ دارانہ بیانات دے کرخطے کے امن کو خطرے میں ڈال رہے ہیں۔
سماجی رابطے کی ویب سائٹ ٹوئٹر پراپنے پیغام میں ڈی جی آئی ایس پی آرمیجر جنرل آصف غفور کاکہناتھاکہ بھارتی آرمی چیف مسلسل غیر ذمہ دارانہ بیانات دے رہے ہیں، ان کے بیانات خطے کا امن متاثر کر رہے ہیں۔
ڈی جی آئی ایس پی آر کے مطابق بھارتی آرمی چیف سیاسی آقاؤں کو خوش کرنے کیلئے خطے کے امن کو خطرے میں ڈال رہے ہیں،ان کا بیان معصوموں کے خون سے رنگا ہے اور پاکستان کے ہاتھوں اٹھائے نقصانات کا نتیجہ ہے۔
Indian COAS repeatedly provoking war through irresponsible statements endangering regional peace for electioneering of political masters. From fake surgical strike todate his only success has been to turn Indian Army into a rogue force and getting them killed.(1of2).
— DG ISPR (@OfficialDGISPR) October 25, 2019
ڈی جی آئی ایس پی آر کاکہنا تھا کہ جعلی سرجیل اسٹرائیک سے آج تک انہیں کوئی کامیابی نہیں ملی،انکی واحد کامیابی بھارتی فوج سے مدمعاشی کروانا اور ان کو مروانا ہی ہے، بھارتی آرمی چیف نے اپنی فوج کو ایک غنڈہ فوج میں بدل دیا ہے، وہ اپنی ہی فوج کو مروا رہے ہیں۔
میجر جنرل آصف غفور کا کہنا تھا کہ بھارتی آرمی چیف بپن راوت کے ہاتھوں پر بے گناہوں کا خون لگا ہے۔ بھارتی فورسز کو پاکستانی مسلح افواج سے کئی بار بھاری نقصان اٹھانا پڑا۔ بھارتی آرمی چیف اپنے ہیلی کاپٹر کو گرانے کے بعد خود ہی ماتم کر رہے ہیں۔
Indian Army Chief’s statements coupled with blood of innocents on hand, losses to Indian forces at the hands of Pakistan Armed Forces, heli crashes due to so called tech fault cum fratricide just to become Indian CDS is actually at the cost of professional military ethos.(2of2).
— DG ISPR (@OfficialDGISPR) October 25, 2019
واضح رہے کہ بھارتی آرمی چیف بپن راوت نے آزاد کشمیر میں دہشت گردوں کے مبینہ کیمپ تباہ کرنے کا دعویٰ کیا تھا تاہم پاک فوج نے بھارت کا یہ دعویٰ مسترد کردیا تھا۔
بعد ازاں پاکستان کی دعوت پرعالمی میڈیا اور سفارت کاروں نے لائن آف کنٹرول کا دورہ کیا تھاجہاں انہوں نےبھارت کی گولہ باری اور فائرنگ سے تباہ حال شہریوں کے گھر دیکھے اور ترجمان پاک فوج نے انہیں بریفنگ بھی دی تھی۔
مزید پڑھیں: عالمی میڈیا اور سفارتکاروں کا لائن آف کنٹرول کا دورہ، بھارتی بیانیہ بے نقاب
