گوگل نیوز پر ہمیں فالو کریںبھارت نے نئی دہلی میں کام کرنے والے 5 بین الاقوامی صحافیوں کو آزادانہ رپورٹنگ کرنے کیلئے آزاد کشمیر آمد سے روک دیا ہے جس کی فواد چوہدری اور دیگر وفاقی وزراء نے شدید مذمت کی۔
تفصیلات کے مطابق وفاقی وزیرِ اطلاعات فواد چوہدری نے کہا کہ بھارت نے 5 غیر ملکی صحافیوں کو پاکستان آمد کی اجازت دینے سے انکار کردیا جو 5 اگست کے روز آزاد کشمیر اسمبلی کے اجلاس میں شریک ہونا چاہتے تھے۔
یہ بھی پڑھیں: قانون ساز اسمبلی میں آزاد کشمیر کے وزیر اعظم کا انتخاب آج کیا جائے گا
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات فواد چوہدری نے بھارت پر طنز کرتے ہوئے کہا کہ مودی حکومت کا یہ اقدام آزادئ اظہارِ رائے کی غمازی کرتا ہے، پاکستان کا مطالبہ ہے کہ صحافیوں کو مقبوضہ کشمیر جا کر حقائق رپورٹ کرنے کی اجازت دی جائے۔
India has refused to allow five foreign journalists permission to visit Pak, they were supposed to attend 5th August session of Azad Kashmir Assembly, so much of #FreedomofExpression we want India to allow independent Journalists to visit IOK and let them report facts
— Ch Fawad Hussain (@fawadchaudhry) August 4, 2021
ٹوئٹر پر اپنے پیغام میں وزیرِ مملکت برائے اطلاعات فرخ حبیب نے کہا کہ مودی حکومت کا آر ایس ایس ایجنڈا بے نقاب ہوگیا۔ بھارت نے دہلی کے غیر ملکی صحافیوں کو آزاد کشمیر آمد کی اجازت نہ دے کر آزادانہ طور پر حقائق کی رپورٹنگ سے روک دیا ہے۔
یہ بھی پڑھیں: بھارتی فوج کا ہیلی کاپٹر مقبوضہ جموں و کشمیر میں گر کر تباہ ہوگیا
پیغام میں وزیرِ مملکت فرخ حبیب نے مزید کہا کہ دنیا کی سب سے بڑی نام نہاد جمہوری مملکت جس میں آزادئ اظہارِ رائے کو ترجیح نہیں دی جاتی، دنیا بھر میں ایک بار پھر بے نقاب ہو گئی ہے جو ایک بڑا تاریخی لمحہ ہے۔
MODI RSS’s ideology prevail once again as India has stopped foreign journalists based in delhi to visist Azad Kashmir to observe and report facts independently.
So called biggest democracy and country with freedom of speech is exposed big time yet again. https://t.co/7D7WDRhWtE— Farrukh Habib (@FarrukhHabibISF) August 4, 2021
خیال رہے کہ اِس سے قبل ترجمان دفتر خارجہ نے آزاد کشمیر انتخابات سے متعلق بھارتی دفتر خارجہ کے بیانات کو مسترد کرتے ہوئے ان کی شدید مذمت کی۔
یہ بھی پڑھیں: بھارت کشمیر پریمیئر لیگ کو سبوتاژ کرنے کی کوشش کیوں کر رہا ہے؟
ترجمان دفتر خارجہ زاہد حفیط چوہدری کی جانب سے گزشتہ ماہ جاری ہونے والے اعلامیے میں کہا گیا کہ آزاد کشمیر کے انتخابات سے متعلق بھارتی بیانات حقائق کے منافی ہیں۔
مزید پڑھیں: آزاد کشمیر انتخابات سے متعلق بھارتی بیانات حقائق کے منافی ہیں، دفتر خارجہ
