نااہل حکمران ملک اور معیشت نہیں چلا سکتے، بلاول بھٹوزرداری

لاہور :پاکستان پیپلز پارٹی کے چیئرمین بلاول بھٹو زرداری نے کہا ہے کہ نااہل حکمرانوں نے عوام کی زندگی تباہ کردی ہے،موجودہ حکومت مزدور طبقے کے لئے مشکلات پیدا کررہی ہے۔

اتوار کے روز لاہور میں پارٹی کارکنوں سے خطاب کرتے ہوئے انہوں نے کہا کہ نااہل حکمران ملک اور معیشت کو نہیں چلا سکتے ، انہوں نے مزید کہا کہ ملک میں صورتحال مزید بگڑ رہی ہے۔

پیپلز پارٹی کے چیئرمین نے کہا کہ موجودہ حکومت نے عوام پر مہنگائی کا بوجھ بڑھایا ہے ، انہوں نے مزید کہا کہ حکومت نے عوام کو بے روزگاری اور مہنگائی کے سوا کچھ نہیں دیا۔

مزید پڑھیں:بلاول بھٹو زرداری پورے پاکستان کی قیادت کریں گے ، نثار احمد کھوڑو

بلاول نے مزید کہا کہ ملک کا نچلا طبقہ پریشانی کا شکار ہے اور حکومت مزدور طبقے کے لئے مشکلات پیدا کررہی ہے۔

انہوں نے مزید دعوی کیا کہ پاکستان تحریک انصاف ، پاکستان مسلم لیگ (ن) اور پیپلز پارٹی کی معاشی پالیسیاں بالکل مختلف ہیں ، انہوں نے مزید کہا کہ سابق وزیر اعظم نواز شریف کی حکومت نے بھی غریبوں پر خرچ نہیں کیا تھا۔ ہم عوام دوست پالیسی لانا چاہتے ہیں۔