اسلام آباد ہائی کورٹ نے وزیراعظم کے پندرہ معاونین خصوصی کے خلاف درخواست پر سماعت کے دور ان فریقین کو نوٹس جاری کرتے ہوئے دو ہفتوں میں جواب طلب کرلیا ۔
اسلام آباد ہائیکورٹ کے جسٹس عامر فاروق اور جسٹس لبنیٰ سلیم پرویز نےدرخواست کی سماعت کی۔ دور ان سماعت اسلام آباد ہائیکورٹ نے فریقین کو نوٹس جاری کرتے ہوئے اسلام آباد ہائیکورٹ نے دو ہفتوں میں جواب طلب کرلیا ۔
عدالت نے معاونین خصوصی کو فوری طور پر کام سے روکنے کی استدعا مسترد کرتے ہوئے کہاکہ 3 فروری کو کیس کی سماعت کریں گے۔ وکیل درخواست گزار نے کہاکہ معاونین کو وفاقی وزیر اور وزیر مملکت کے اختیارات دئیے گئے۔
درخواست کے مطابق معاون خصوصی کو وفاقی وزیر یا وزیر مملکت کا اسٹیٹس نہیں دیا جاسکتا،یہ کھلم کھلا قانون کی خلاف ورزی ہے، وکیل درخواست گزار نے استدعا کی کہ وزیراعظم کے معاونین خصوصی کو کام سے روکا جائے۔
مزید پڑھیں: وزیراعظم کے 15 معاونین خصوصی کی تعیناتیوں کے خلاف درخواست سماعت کے لئے مقرر