گوگل نیوز پر ہمیں فالو کریںشوبز انڈسٹری کی معروف اداکارہ ہانیہ عامر نے عاشر وجاہت کے ساتھ ایک بولڈ ویڈیو سوشل میڈیا پر شیئر کی جس پر مداحوں نے سخت ردِ عمل دیتے ہوئے یہ سوال اٹھایا ہے کہ کیا یہ اسلامی جمہوریہ پاکستان ہے؟
تفصیلات کے مطابق سوشل میڈیا پلیٹ فارم پر شیئر کی گئی ویڈیو میں ہانیہ عامر مشہور فلمی ہدایت کار وجاہت رؤوف کے بیٹوں کے ہمراہ نظر آئیں۔ وائرل ویڈیو میں ہانیہ عامر کو عاشر کے سینے پر سر رکھے ان کا گانا کیوں گنگناتے ہوئے دیکھا جاسکتا ہے۔
Video went viral of Hania Amir and Aashir Wajahat on social media. In the video, Hania Amir is singing Hassan Raheem’s Arzu song while lying with Aashir Wajahat.#haniaamir #mmnewstv pic.twitter.com/WwCXcLkhGN
— MM News (@mmnewsdottv) June 5, 2021
فوٹو شیئرنگ پلیٹ فارم انسٹا گرام پر ہانیہ عامر نے وجاہت برادرز کے ہمراہ گانے کی ویڈیو شیئر کی جس کے بعد متعدد سوشل میڈیا صارفین نے مایوسی کا اظہار کرتے ہوئے ہانیہ کو آڑے ہاتھوں لے لیا۔
سوشل میڈیا صارفین نے پاکستانی فنکارہ پر شدید تنقید کی جس پر ردِ عمل دیتے ہوئے ہانیہ عامر نے ویڈیو اپنے اکاؤنٹ سے ڈیلیٹ کردی، جو دیگر سوشل میڈیا فورمز سے شیئر کی گئی اور مداحوں نے اس پر سخت ردِ عمل کا اظہار کیا۔
ہانیہ عامر نے اداکاری کے سفر کا آغاز بہت کم عمری میں کیا اور اب تک وہ بہت سی مشہور برانڈز کے کمرشلز، ٹی وی ڈرامہ سیریلز اور فلموں میں بھی اداکاری کے جوہر دکھا چکی ہیں۔
تتلی، وصال اور عشقیہ نامی ڈرامہ سیریلز کے علاوہ اداکاری ہانیہ عامر کو جانان، نامعلوم افراد 2 اور پرواز ہے جنون نامی پاکستانی فلموں میں بھی اداکاری کرتے ہوئے دیکھا گیا۔
یاد رہے کہ اِس سے قبل پاکستانی شوبز انڈسٹری کی معروف اداکارہ ہانیہ عامر نے مسئلۂ فلسطین پر تشویش کا اظہار کرتے ہوئے کہا کہ سماجی تبدیلی لانے کیلئے عوامی تباؤ ضروری ہے۔
رواں برس مئی کے دوران اداکارہ ہانیہ عامر نے اپنی ایک ویڈیو کے ذریعے فلسطین میں جاری کشیدگی اور حملوں کی صورتحال پر تشویش کا اظہار کرتے ہوئے کہا کہ میں آرام دہ زندگی گزار کر شرمندگی محسوس کررہی ہوں۔
مزید پڑھیں: سماجی تبدیلی کیلئے عوامی دباؤ ضروری ہے۔ہانیہ عامر
