گوگل نیوز پر ہمیں فالو کریںاداکار حمزہ علی عباسی نے یو ٹیوب پر ایک ویڈیو کے ذریعے اعلان کیا ہے کہ وہ شوبز کو چھوڑ دیں گے جبکہ اپنی باقی زندگی اسلام کے مطابق گزاریں گے۔
سماجی رابطے کی ویب سائٹ ٹوئٹر پر اپنے پیغام میں یو ٹیوب کی ویڈیو کا لنک شیئر کرتے ہوئے اداکار حمزہ علی عباسی نے کہا کہ میں نے اپنے مداحوں سے جو کہنا تھا، وہ اِس ویڈیو کے ذریعے کہہ دیا۔
یہ بھی پڑھیں: مہوش حیات نے انگریزی میں گاناگاتے ہوئے اپنی ویڈیووائرل کر دی
Welll…. This is what i wanted to say… for now! ????https://t.co/q7vap8eArs
— Hamza Ali Abbasi (@iamhamzaabbasi) November 14, 2019
یو ٹیوب ویڈیو میں اداکار حمزہ علی عباسی نے کہا کہ میں 10 سال سے خدا اور موت جیسی حقیقتوں پر تحقیق میں مصروف رہا جس کے دوران مختلف حقائق سامنے آئے جو میں مداحوں تک پہنچانا چاہتا ہوں۔
حمزہ علی عباسی نے کہا کہ میں نہیں سمجھتا کہ شوبز سے اس لیے کنارہ کشی اختیار کی جائے کہ یہ حرام ہے جبکہ میں سمجھتا ہوں کہ اسلام میں صرف بد کاری حرام ہے اور میں میڈیا کی حد تک اداکاری سے کنارہ کشی اختیار کر رہا ہوں۔
انہوں نے کہا کہ شوبز چھوڑنے کا اعلان کرنے سے میرا یہ مقصد شہرت کا حصول نہیں ہے بلکہ مجھے غیر معیاری کام پسند نہیں جس کی وجہ سے مجھے یہ فیصلہ کرنا پڑا۔ مستقبل میں خود فلمز اور ڈراموں میں کام کرنا چاہتا ہوں۔
یاد رہے کہ اس سے قبل معروف پاکستانی اداکار حمزہ علی عباسی نے جمعیت علما اسلام (ف) کے سربراہ مولانا فضل الرحمن کے حکومت مخالف دھرنے کی مخالفت کرتے ہوئے اسے گناہ قرار دے دیا۔
انہوں نے ٹوئٹر پر تین روز قبل اپنے پیغام میں کہا کہ افسوس کی بات ہے فضل الرحمن ناموس رسالتؐ اور کشمیر جیسے حساس مسئلے کو استعمال کر رہے ہیں تاکہ لوگ ان کی باتوں کو سن کر اشتعال میں آجائیں، آخر کیوں ؟
مزید پڑھیں: مولانا فضل الرحمٰن کا دھرنا ، اداکار حمزہ علی عباسی کی شدید تنقید
