گوگل نیوز پر ہمیں فالو کریںاسلام آباد: وفاقی وزیر سائنس و ٹیکنالوجی فواد چوہدری نےسابق وزیراعظم نوازشریف کا نام ای سی ایل سے نکالنے کے لاہورہائیکورٹ کےفیصلے پر کہا ہے کہ حکومت اور کابینہ کو فوری سپریم کورٹ میں فیصلہ چیلنج کرنا چاہیے،عدالت نے جو فیصلہ کیا، اس کی نظیر نہیں ملتی۔
سماجی رابطے کی ویب سائٹ ٹویٹر پر جاری ایک ویڈیو میں فواد چوہدری نے کہا کہ نواز شریف کے حوالے سے عدالتی فیصلہ آچکا ہے کہا جارہا ہے کہ وہ ملک سے باہر جاسکتے ہیں، حکومت کوسپریم کورٹ میں فیصلےکوچیلنج کرناچاہیے۔
فواد چوہدری کا کہنا ہے کہ یہ فیصلہ برقرار رہاتونظام انصاف کودھچکاپہنچےگا، معاملے پر سپریم کورٹ سےحتمی رائے لینی چاہیے، جہاں تک میں نے 16 یا 17 سال قانون کی پریکٹس کی ہے اس میں ایسی نظیر نہیں ملتی جہاں ایک سزا یافتہ مجرم کو اس طرح باہر بھیج دیا جائے۔
فواد چوہدری کا کہنا تھا کہ ان کے واپس آنے کی بات ہے تو ہمارے ملک میں انہی کی خاندان کی مثالیں ہیں، اسحاق ڈار کا ریڈ وارنٹ جاری ہوچکا ہے اور وہ ابھی تک سینیٹر ہیں اور حلف نہیں اٹھایا ان کی جائیدادیں یہاں نہیں ہیں۔
“میری کابینہ میں یہی رائے ہو گی کہ اس فیصلے کو سپریم کورٹ میں لے کر جائیں کیونکہ اس سے ہمارے نظام انصاف کو گزند پہنچے گی” – @fawadchaudhry
“I will ask Cabinet to challenge the #LahoreHighCourt decision”. pic.twitter.com/fkEqX1JtA9
— Fawad Chaudhry (Updates) (@FawadPTIUpdates) November 16, 2019
وفاقی وزیر نے کہا کہ اسحاق ڈار، نوازشریف،بچوں کی جائیدداد یں یہاں نہیں اور ہم وطن واپس لانے کیلئے انفورس کیسےکرسکیں گے؟ عدالت کےفیصلےپرتبصرہ مناسب نہیں قانون پرعمل کرناہوگا،یہ دیکھناہوگااب مزیدکتنےقیدی اس سے فائدہ اٹھاسکتےہیں، شہباز شریف کاساراخاندان بھاگاہواہےوہ گارنٹی کیسے دے سکتےہیں۔
وفاقی وزیر کا کہنا ہے کہ منگل کو کابینہ کا اجلاس ہے اس معاملے پر بحث ہوگی، انہوں نے کہا کہ انسانی بنیادوں پر اجازت پھر دیگر قیدیوں کے لیے بھی ہونی چاہیے، دیگر قیدیوں کے لیے کسی کا دل نہیں دُکھتا، امیروں کے لیے ہر کوئی دکھ کا اظہار کر رہا ہے۔
مزید پڑھیں: لاہور ہائیکورٹ نے نواز شریف کا نام ای سی ایل سے نکالنے کا حکم دے دیا
