اسلام آباد: وفاقی حکومت نے مسلم لیگ ن کے صدر اور قائد حزب اختلاف شہباز شریف کا نام بلیک لسٹ سے نکالنے کے فیصلےکیخلاف عدالت جانے کا اعلان کردیا۔
سماجی رابطوں کی ویب سائٹ ٹوئٹر پر جاری پیغام میں وفاقی وزیر اطلاعات فواد چوہدری نے کہا ہے کہ بلیک لسٹ میں نام ڈالنا یا نکالنا ڈی جی ایف آئی اے کا اختیار ہے اور شہبازشریف کا نام بلیک لسٹ سے نکلوانے کی کوئی درخواست ڈی جی ایف آئی اے کو نہیں دی گئی۔ صرف زبانی باتوں پر ریکارڈ میں تبدیلی نہیں کی جاسکتی۔
بلیک لسٹ میں نام ڈالنا یا نکالنا ڈائریکٹر جنرل FIA کا اختیار ہے، شہباز شریف کے وکلاء کی طرف سے عدالتی فیصلے کی بلیک لسٹ سے نام نکلوانے کی ابھی تک کوئ درخواست DGFIA کو نہیں دی گئ ، صرف زبانی باتوں پر ریکارڈ میں تبدیلی نہیں کی جا سکتی، حکومت اس فیصلے کیخلاف عدالت کو رجوع کرے گی
— Ch Fawad Hussain (@fawadchaudhry) May 8, 2021
وفاقی وزیر اطلاعات نے شہباز شریف کا نام بلیک لسٹ سے نکالے جانے پر کہا کہ حکومت اس فیصلے کے خلاف عدالت سے رجوع کرے گی۔
واضح رہےکہ گذشتہ روز لاہور ہائیکورٹ نے اپوزیشن لیڈر شہباز شریف کو طبی بنیادوں پر 8 ہفتوں کے لیے بیرون ملک جانے کی اجازت دی تھی تاہم آج لاہور ائیرپورٹ پر انہیں بیرون ملک جانے سے روک دیا گیا۔
یہ بھی پڑھیں : لاہور ہائی کورٹ نے شہباز شریف کی ضمانت کا تفصیلی فیصلہ جاری کردیا