گوگل نیوز پر ہمیں فالو کریںصدرِ پاکستان ڈاکٹر عارف علوی نے کہا ہے کہ حکمرانوں اور صاحبانِ اقتدار کے احتساب کی سنہری روایت سب سے پہلے اسلام نے قائم کی جبکہ خلفائے راشدین اس کی زندہ مثال تھے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ خلفائے راشدین نے احتساب کے اصولوں کی تقلید اپنی ذات پر کرتے ہوئے زندہ مثالیں قائم کیں۔
احتساب کے حوالے سے صدر ڈاکٹر عارف علوی نے کہا کہ قوانین اور شفافیت و غیر جانبداری کے نفاذ کے ساتھ ساتھ معاشرے کو بدعنوانی کی حوصلہ شکنی کرتے ہوئے کرپٹ عناصر کو کیفر کردار تک پہنچانا ہوگا۔
Golden tradition of Accountability of those in power was first established by Islam. Khulafa-e-Rashidin were living examples of enforcing this principle on themselves too. Besides laws & non-partisan implementation, society must also discourage corruption & ostracize the corrupt https://t.co/8drywqcoOn
— Dr. Arif Alvi (@ArifAlvi) December 10, 2019
یاد رہے کہ اس سے قبل وفاقی دارالحکومت اسلام آباد میں صدر مملکت ڈاکٹر عارف علوی نے کہا کہ ملک کا ہر شہری اپنے ووٹ کی طاقت سے بدعنوان عناصر کا محاسبہ کرے۔
انہوں نے گزشتہ روز یومِ انسدادِ بدعنوانی کے موقعے پر تقریب سے خطاب کرتے ہوئے کہا کہ پاکستان میں قانون سازی سے زیادہ قوانین پر عمل درآمد کا چیلنج درپیش ہے، انفرادی سطح پر خود احتسابی کرکے کرپشن سے چھٹکارا ممکن ہے۔
تقریب سے خطاب کے دوران صدر مملکت نے کہا کہ پاکستان تحریکِ انصاف نے بدعنوانی کے خلاف طویل جدوجہد کی جبکہ احتساب معاشرے کے بڑے اور طاقتور لوگوں سے شروع ہونا چاہئے۔
مزید پڑھیں: اپنے ووٹ کی طاقت سے بدعنوان عناصر کا محاسبہ کریں۔ صدرِ مملکت
