گوگل نیوز پر ہمیں فالو کریںکراچی: وفاقی وزیر برائے بحری امور علی حیدر زیدی اور ن لیگی رہنما سینیٹر مصدق ملک کورونا وائرس کا شکار ہو گئے ہیں۔
سماجی رابطے کی ویب سائٹ ٹوئٹر پر رات گئے اپنے پیغام میں وفاقی وزیر علی زیدی نے کہا کہ مجھے ابھی ابھی بتایا گیا ہے کہ میرا کورونا وائرس ٹیسٹ کا نتیجہ مثبت آگیا ہے جس کا مطلب یہ ہے کہ مجھے قرنطینہ میں جانا ہوگا۔
پیغام میں وفاقی وزیر علی زیدی نے کہا کہ اپنے آپ کو تنہائی میں رکھنے کے سوا کوئی چارہ نہیں، ہو سکتا ہے کہ میری طبیعت بہتر نہ ہو لیکن میں ابھی آؤٹ نہیں ہوا ہوں۔ سوشل میڈیا استعمال کرتے ہوئے قوم کو لوٹنے والوں کو بے نقاب کرتا رہوں گا۔
وزیرِ بحری امور علی زیدی نے کہا کہ یہ ڈاکو آج بھی ہمارے ملک کو نقصان پہنچانے کی کوشش کر رہے ہیں، دُعا کرتا ہوں کہ اللہ تعالیٰ ان تمام افراد کو ہمت دے جو حصولِ انصاف کی جنگ لڑ رہے ہیں۔
So they just told me I have tested #COVID +
Means I have to quarantine & isolate myself!
Maybe down, but not out.
Will keep using Social Media & expose those who have robbed this nation & continue to damage us even today
May Allah give strength to all those who stand for justice!— Ali Haider Zaidi (@AliHZaidiPTI) October 31, 2020
دوسری جانب ن لیگی رہنما سینیٹر مصدق ملک نے ٹوئٹر پیغام میں کہا کہ میں نے ابھی اپنے کورونا وائرس ٹیسٹ کا نتیجہ وصول کیا اور بد قسمتی سے میں بھی کورونا وائرس کا شکار ہو گیا ہوں۔
ن لیگی رہنما مصدق ملک نے کہا کہ میں خود کو قرنطینہ کر رہا ہوں، عوام سے دعاؤں میں یاد رکھنے کی درخواست ہے جبکہ قرنطینہ ہونے کی وجہ سے میں اپنے خاندان میں اہم تقاریب اور مواقع میں شرکت سے محروم رہوں گا۔
I have just about received my COVID 19 result. Unfortunately, I am coronavirus positive, and am going into isolation. Please keep me in your prayers.
Most regretfully, I would miss one of the most important family events – my loss!
— Dr. Musadik Malik (@DrMusadikMalik) October 31, 2020
یہ بھی پڑھیں: پاکستان میں کورونا وائرس میں مبتلا 6 ہزار 823 افراد جاں بحق
