انتخابات جلد نہ ہوئے تو امن و امان قابو میں رکھنا مشکل ہوگا۔فواد چوہدری

اسلام آباد: سابق وزیرِ اطلاعات فواد چوہدری نے کہا ہے کہ اگر انتخابات جلد نہ ہوئے تو امن وامان قابو میں رکھنا مشکل ہوگا۔ امپورٹڈ حکومت صرف تین ووٹوں کے سہارے پر کھڑی ہے۔

تفصیلات کے مطابق اپنے ایک بیان میں سابق وزیرِ اطلاعات اور پی ٹی آئی رہنما فواد چوہدری نے کہا کہ اگر اختر مینگل نے اعتماد کا ووٹ نہیں دیا تو شہباز شریف کی حکومت فارغ ہوجائے گی۔ صدرِ مملکت کسی بھی وقت نام نہاد حکومت کو اعتماد کے ووٹ کا کہہ سکتے ہیں۔

یہ بھی پڑھیں:

امپورٹڈ حکومت کے خاتمے کی کال آنے والی ہے، تیار رہو، فواد چوہدری

سابق وزیرِ اطلاعات فواد چوہدری نے کہا کہ اگر جلد انتخابات نہ ہوئے تو ملک بھر میں امن و امان قابو میں رکھنا مشکل ہوجائے گا۔ سازش کے ذریعے ملک کو سیاسی ہیجان کی طرف دھکیلا گیا۔ عمران خان کے حق میں اٹھی لہر کو دبانا ممکن نہیں۔ 

خیال رہے کہ اس سے قبل  پاکستان تحریک انصاف کے رہنما ء اور سابق وزیر اطلاعات فواد چوہدری نے کہا کہ امپورٹڈ حکومت کے خاتمے کی کال آنے والی ہے، تیار رہو۔

فواد چوہدری نے 2 روز قبل سماجی رابطے کی ویب سائٹ ٹوئٹر پر اپنے پیغام میں کہا کہ پاکستان کا ہر شہر تحریر سکوائر بنے گا، اس امپورٹڈ حکومت کے خاتمے کی کال آنے والی ہے، تیار رہو۔ کارکن عمران خان کے اعلان کا انتظار کریں۔