کون تجھے یوں پیارکرے گا؟ فلک شبیر کا سارہ سے اظہارمحبت گیت میں تبدیل

پاکستانی شوبز انڈسٹری کے معروف گلوکار فلک شبیر نے اپنی شریکِ حیات سے گیت کی صورت میں محبت کا اظہار کیا ہے جس کا حوصلہ افزاء ردِ عمل سامنے آیا۔

فوٹو شیئرنگ پلیٹ فارم انسٹاگرام پر اپنے پیغام میں اداکارہ سارہ خان نے شریکِ حیات فلک شبیر کی ایک مختصر ویڈیو شیئر کی جس کی ابتدا میں معروف گلوکار سارہ سے محبت کا اظہار کرتے نظر آئے۔

یہ بھی پڑھیں:

فلک شبیر نے پاک بھارت میچ پر گانے کی ویڈیو شیئر کردی

گلوکار فلک شبیر کی ننھی بیٹی کے کان میں اذان دینے کی ویڈیو وائرل

مختصر اظہارِ محبت کے بعد فلک شبیر نے سشانت سنگھ راجپوت کی فلم ایم ایس دھونی سے لیا گیا گیت کون تجھے یوں پیار کرے گا گنگنایا اور پیچھے موجود عوام کا جمِ غفیر بھی یہی گیت گنگناتا نظر آیا۔

دوسری جانب سارہ خان نے بھی شریکِ حیات فلک شبیر کے اظہارِ محبت کا حوصلہ افزاء ردِ عمل دیتے ہوئے اسے فوٹو شیئرنگ پلیٹ فارم انسٹاگرام پر شیئر کیا جسے ہزاروں افراد نے پسند کیا۔ 

 

View this post on Instagram

 

A post shared by Mrs.Falak (@sarahkhanofficial)

خیال رہے کہ انسٹاگرام پر فلک شبیر کے فالوورز کی تعداد 17 لاکھ جبکہ سارہ خان کے فالوورز کی 76 لاکھ ہے۔ فلک شبیر کے اکاؤنٹ سے اب تک 2لاکھ 34 ہزار افراد نے گانے کی ویڈیو کو دیکھ لیا۔

 

View this post on Instagram

 

A post shared by Falak Shabir (@falakshabir1)

خیال رہے کہ اس سے قبل معروف گلوکار فلک شبیر نے پاک بھارت میچ میں بھارت کی شکست کے بعد موقع موقع کہنے والوں کیلئے گانے کی مختصر ویڈیو ریلیز کردی۔

 انسٹاگرام پر گزشتہ ماہ اپنے پیغام میں گلوکار فلک شبیر نے کہا کہ یہ موقع آپ نے نہیں دیا، بلکہ یہ موقع پاکستان نے خود حاصل کیا ہے۔انہوں نے پاکستان زندہ باد کا نعرہ بھی لگایا۔