پرتگالی اسٹار فٹبالر کرسٹیانو رونالڈو اور جارجینا روڈریگوز اپنے نوزائیدہ جڑواں بچوں میں ایک سے محروم ہوگئے، رونالڈو نے بیٹے کے انتقال کی تصدیق کردی۔
پرتگالی اسٹار فٹبالر نے سوشل میڈیا پیغام میں کہا کہ ہمیں انتہائی دکھ کے ساتھ یہ اعلان کرنا پڑ رہا ہے کہ ہمارے ایک بچے کا انتقال ہو گیا ہے۔
رونالڈو کا ایک بیٹا کرسٹیانو جونیئر ہے، جو 2010 میں پیدا ہوا تھا اور جڑواں بچے ایوا اور میتھیو جو 2017 میں پیدا ہوئے تھے۔ ان کی ایک بیٹی بھی ہے، الانا مارٹینا، جو 2017 میں پیدا ہوئی تھی۔