کراچی :سندھ حکومت نے صوبے بھر میں اضافی کرایہ لینے والی انٹرا سٹی مسافر گاڑیوں کے خلاف کریک ڈاؤن کرتے ہوئے 41گاڑیوں کا چالان کرکے 56ہزار روپے جرمانہ عائد کردیا ہے ۔
وزیر ٹرانسپورٹ سندھ سید اویس قادر شاہ کے مطابق صدر میں بس اڈوں پر انٹرا سٹی مسافرگاڑیوں کے خلاف کارروائیاں کی گئیں.
41 گاڑیوں کا چالان اور 56 ہزار روپے جرمانہ کیا گیا،فٹنس نہ ہونے اور اضافی کرایہ لینے پر10 گاڑیاں بندکردی گئیں ۔متعدد گاڑیاں ان فٹ تھیں جن کو بند کردیا گیا۔
انہوں نے کہا کہ لاڑکانہ میں 40 سے زائد ان رجسٹرڈچنگ چی رکشے بند کردیے گئے10ہزار روپے جرمانہ،حیدرآباد،سکھر، جیکب آباد میں کئی گاڑیوں سے ایل پی جی اور سی این جی سلینڈر نکالے گئے۔
مزید پڑھیں : خواتین کیلئے علیحدہ ٹرانسپورٹ کا انتظام کیاجائے