گوگل نیوز پر ہمیں فالو کریںپاک فوج کے سپہ سالار جنرل قمر جاوید باجوہ نے کہا ہے کہ سول انتظامیہ کو بھرپور مدد فراہم کرکے زلزلے سے متاثرہ افراد کا ہر ممکن خیال رکھا جائے گا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے آزاد کشمیر میں زلزلے سے متاثرہ علاقوں کا دورہ کیا اور بحالی کے کاموں کا جائزہ لیا۔
آرمی چیف نے میرپور میں جاتلاں کینال روڈ کا فضائی جائزہ لیا، جب کہ متاثرہ روڈ کی بحالی کے لیے جاری انتظامات بھی دیکھے۔
COAS visited earthquake affected areas of AJ&K and ongoing damage repair efforts at Jatlan Canal Road. “Normalcy be restored with speed rendering full assistance to civil administration and taking best possible care of the affected population”, COAS. pic.twitter.com/B6fMkbzTsX
— DG ISPR (@OfficialDGISPR) September 25, 2019
اس موقع پر آرمی چیف نے ہدایت کی کہ حالات معمول پرلانے کے لئےسو ل انتظامیہ کی بھرپورمدد کی جائے، زلزلے سے متاثرہ آبادی کا مکمل خیال رکھا جائے. انہوں نے کہا کہ متاثرہ علاقوں میں جلداز جلد بحالی کا کام مکمل کرکے حالات اور زندگی کو معمول پر لائیں گے۔
خیال رہے کہ گزشتہ روز سہ پہر آزاد کشمیر اور خیبر پختونخوا میںزلزلے کے شدید جھٹکے محسوس کیے گئے تھے، لزلے کے بعد آرمی چیف جنرل قمر جاوید باجوہ نے احکامات جاری کرتے ہوئے فوج کی ایوی ایشن اور میڈیکل ٹیموں کو فوری طور پر متاثرہ علاقوں میں پہنچنے کی ہدایت کی تھی۔ آرمی چیف کے حکم کے مطابق آرمی کی ٹیمیں متاثرین کی بحالی کے لئے مصروف عمل ہیں۔
