گوگل نیوز پر ہمیں فالو کریںاسلام آباد: وزیر اعظم عمران خان نے کہا ہے کہ عالمی برادری کو بتانا چاہتا ہوں کہ ہم نہتے شہریوں کے بہیمانہ قتل پر خاموش نہیں رہیں گے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ بھارت عسکری حملوں میں نہتے شہریوں کا بہیمانہ قتل کر رہا ہے، ہندوستان کے ساتھ ساتھ عالمی برادری بھی نوٹس لے۔
اپنے پیغام میں وزیر اعظم عمران خان نے کہا کہ اگر بھارت نے ایل او سی (لائن آف کنٹرول) کے پار عسکری حملوں میں شہریوں پر ظلم کا سلسلہ دراز کیا تو پاکستان کا سرحد پر خاموش تماشائی بنے رہنا مشکل ہوجائے گا۔
پیغام میں وزیر اعظم عمران خان نے کہا کہ جنگ بندی لکیر (لائن آف کنٹرول) کے پار نہتے شہریوں پر مقبوضہ کشمیر کی بھارتی افواج کے شدید حملے معمول بنتے جا رہے ہیں۔
وزیراعظم عمران خان نے کہا کہ سلامتی کونسل پر لازم ہے کہ عسکری مبصر مشن کی مقبوضہ کشمیر میں فی الفور واپسی کے لیے بھارت سے اصرار کرے۔
لائن آف کنٹرول کے حالات پر تشویش کا اظہار کرتے ہوئے وزیر اعظم عمران خان نے کہا کہ ہمیں بھارت کی طرف سے ایک خود ساختہ یا جعلی حملے کا سخت اندیشہ ہے۔ عالمی برادری نوٹس لے۔
میں ہندوستان کیساتھ عالمی برادری پر بھی واضح کردینا چاہتا ہوں کہ اگر بھارت جنگ بندی لکیر کے اس پار عسکری حملوں میں نہتے شہریوں کے بہیمانہ قتل عام کا سلسلہ دراز کرتا ہے تو پاکستان کیلئے سرحد پر خاموش تماشائی بنے بیٹھے رہنا مشکل ہو جائے گا۔
— Imran Khan (@ImranKhanPTI) January 19, 2020
