گوگل نیوز پر ہمیں فالو کریںراولپنڈی: قومی کرکٹ ٹیم کےمایہ ناز کھلاڑی بابر اعظم نے بنگلہ دیش کے خلاف ٹیسٹ سیریز کے پہلے میچ میں فتح کے بعد باؤلر نسیم شاہ کو خراجِ تحسین پیش کیا ہے۔
سماجی رابطے کی ویب سائٹ ٹوئٹر پر بابر اعظم نے کہا کہ نسیم شاہ جس طرح وکٹ پر جھپٹے اور ہیٹ ٹرک کرنے کے لیے انہوں نے جتنی زبردست مہارت کا مظاہرہ کیا، اسے دیکھنا قابلِ قدر تھا۔
مایہ ناز کھلاڑی بابر اعظم نے کہا کہ نسیم شاہ کے ساتھ ساتھ حارث سہیل اور یاسر شاہ بھی اپنی فارم میں واپس آ گئے ہیں جو پاکستان کے لیے بہترین مثبت تبدیلی ہے۔
بابر اعظم نے کہا کہ میچ کے دوران قومی کرکٹ ٹیم کی حمایت اور کھیل کے فروغ کے لیے تماشائیوں کے جوش و خروش پر بھی بے حد خوشی ہے۔ آپ سب کی حمایت کا بے حد شکریہ۔
It was awesome to see Naseem Shah come and bowl those absolute masterpieces to secure hat-trick. Another huge positive for Pakistan is the return of form for Haris Sohail & Yasir Shah.
And the crowd was simply terrific. Thanks for your support. #RiseAndRise #PakistanZindabad pic.twitter.com/SQWTktrjDe— Babar Azam (@babarazam258) February 10, 2020
یاد رہے کہ اس سے قبل قومی کرکٹ ٹیم نے مہمان بنگلہ دیشی ٹیم کو دو میچز کی ٹیسٹ سیریز کے پہلے میچ کے چوتھے روز ہی ایک اننگز اور 44 رنز سے شکست دے دی۔
پاکستان کی پہلی اننگز 445 رنز کے اختتام کے بعد بنگلہ دیشی ٹیم میچ کے آغاز سے ہی جارحانہ کھیل پیش نہ کرسکی اور بنگلہ دیشی بیٹنگ لائن اپ بری طرح فلاپ نظر آئی۔
ہوم گراؤنڈ کا فائدہ اٹھاتے ہوئے پاکستانی ٹیم کے باؤلرز نے بہترین کارکردگی مظاہرہ کرتے ہوئے بنگلہ دیشی ٹیم کو 168 کے مجموعی اسکور پر ڈھیر کردیا۔
مزید پڑھیں: پاکستان کی پہلے ٹیسٹ میچ میں اننگز اور 44 رنز سے فتح
