گوگل نیوز پر ہمیں فالو کریںنئی دہلی: بھارت کے اہم مسلم سیاسی رہنما اور مجلس اتحاد المسلمین کے سربراہ اسد الدین اویسی نے کہا ہے کہ ایک وقت آئے گا جب بھارتی پارلیمنٹ میں ایک ہجوم کسی مسلمان کو قتل کردے گا۔
سماجی رابطے کی ویب سائٹ ٹوئٹر پر اپنے ویڈیو پیغام میں بھارتی رکنِ پارلیمنٹ اسد الدین اویسی نے کہا کہ میری اس بات کو یاد رکھیں کہ ایک دن آئے گا جب بھارت کی پارلیمنٹ میں کسی مسلمان کو ہجوم قتل کردے گا۔
ناگپور میں موسلا دھار بارشوں کے بعد سیلابی ریلے
ویڈیو پیغام میں اسد الدین اویسی نے کہا کہ بھارتی پارلیمنٹ میں مسلمان کے قتل کا یہ واقعہ اور وہ دن دور نہیں ہے کیونکہ جب ہٹلر کی حکومت تھی تو لکھا جاتا تھا کہ یہودیوں سے بچ کے رہو۔ یہ جرمنی کیلئے خطرہ ہیں۔
वो दिन दूर नहीं जब भारत की संसद में किसी मुसलमान की मॉब लिंचिंग हो जाएगी।pic.twitter.com/bD6Pivqdhh
— Asaduddin Owaisi (@asadowaisi) September 25, 2023
اسد الدین اویسی نے مودی حکومت کے دوران بھارت میں مسلمانوں کی حالتِ زار پر روشنی ڈالتے ہوئے کہا کہ ہٹلر کی حکومت کے دوران ”یہودیوں سے بچ کے رہو“ کے الفاظ میں یہودیوں کی جگہ مسلمان لکھ دو۔
خیال رہے کہ اسد الدین اویسی کا شماربھارت کے اہم مسلمان سیاسی رہنماؤں میں ہوتا ہے جو بھارت کی حکمراں جماعت بی جے پی اور اپوزیشن جماعت کانگریس پر یکساں تنقید کرتے آئے ہیں کہ یہ دونوں جماعتیں اقلیتوں کے حقوق کے تحفظ پر دوہرے معیارات رکھتی ہیں۔
