گوگل نیوز پر ہمیں فالو کریںکراچی: وفاقی وزیرِ بحری امور علی زیدی اور پاک سرزمین پارٹی کے پی ٹی میں کراچی کیلئے ملازمتوں کے معاملے پر آمنے سامنے آ گئے، پی ایس پی کی ویڈیو پر علی زیدی نے دستاویزات کے ساتھ وضاحت کی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ بحری امور علی زیدی نے کہا کہ کراچی کے خود ساختہ مسیحا کی جانب سے سماجی میڈیا پر پھیلائے جانے والے مسخ شدہ حقائق کے برعکس کراچی پورٹ ٹرسٹ (کے پی ٹی) میں شہری سندھ (کراچی) کا کوٹہ سب سے زیادہ ہے۔
پیغام میں وفاقی وزیر علی زیدی نے کہا کہ کے پی ٹی میں شہری سندھ یعنی کراچی کا کوٹہ 74 اعشاریہ 15 فیصد ہے، اہلِ کراچی کو دوبارہ بے وقوف نہیں بنایا جاسکتا۔ خود اس شخص نے لندن میں بیٹھے مجرم کےا یماء پر کراچی کو برباد کیا، چنانچہ اب منہ بند۔
کراچی کے"خودساختہ مسیحا" کیجانب سے سماجی میڈیا پرپھیلائےجانےوالےمسخ شدہ حقائق کےبرعکس کراچی پورٹ ٹرسٹ میں شہری سندھ (کراچی) کا کوٹہ سب سےزیادہ (74.15%) ہے۔اہلِ کراچی کو دوبارہ بیوقوف نہیں بنایاجاسکتا۔خود اس شخص نےلندن میں بیٹھےمجرم کی ایماء پرکراچی کو برباد کیا۔چنانچہ اب منہ بند! https://t.co/ptQLnYaSiv pic.twitter.com/CNfz3IIOue
— Ali Haider Zaidi (@AliHZaidiPTI) November 7, 2020
واضح رہے کہ وفاقی وزیر علی زیدی نے یہ بات پاک سرزمین پارٹی کے چیئرمین مصطفیٰ کمال کے اشتہار کے جواب میں کہی جس میں دِکھایا گیا کہ کراچی کے شہری کے پی ٹی میں ملازمت حاصل کرنے کے اہل نہیں ہیں۔
ٹوئٹر پر پاک سرزمین پارٹی کی جانب سے گزشتہ روز چلائے گئے اشتہار سے قبل پی ایس پی نے کہا کہ یہ کراچی کے بارے میں ایک ایسی ویڈیو ہے جو آپ نے پہلے کبھی نہیں دیکھی ہوگی، ایک بار دیکھیں، اور فیصلہ کریں۔
پاک سرزمین پارٹی کے اشتہار میں دکھایا گیا کہ کراچی کے نوجوان لڑکے اور لڑکیاں ملازمت حاصل کرنے کیلئے قطار میں کھڑے ہیں لیکن ایک شخص انہیں سمجھاتا ہے کہ کے پی ٹی کے اشتہار میں کراچی کا ڈومیسائل رکھنے والوں کیلئے کوئی ملازمت نہیں۔
کراچی کا نوجوان جب سرکاری نوکری لینے جاتا ہے تو اسکے ساتھ کیا سلوک کیا جاتا ہے وڈیو دیکھیں حیران ہوجائیں گے۔@KamalPSP #PSPKarachiJalsa #PSP #MustafaKamal #Karachi pic.twitter.com/uh3kdRT8a2
— MQM Pakistan Digital (@MQMPUpdates) November 5, 2020
دوسری جانب آج اپنے پیغام میں وفاقی وزیر علی زیدی نے دستاویزی ثبوت پیش کردئیے جن کے مطابق کے پی ٹی میں گریڈ 16 سے 21 تک کل 329 ملازمتوں میں سے 206 شہری سندھ یعنی کراچی کیلئے وقف ہیں۔
یہ بھی پڑھیں: اگر ہمارے مسائل حل نہ ہوئے تو حقوق چھین لیں گے، مصطفیٰ کمال
