سندھ میں تبدیلی پیپلز پارٹی کے جانے سے ہی ممکن ہوگی، حنید لاکھانی

کراچی : پاکستان تحریک انصاف کے رہنما وسربراہ بیت المال سندھ حنید لاکھانی نے کہا ہے کہ بہت جلد صوبہ سندھ میں بڑی تبدیلی آئے گی اور وہ تبدیلی پیپلز پارٹی کی رخصتی ہوگی، جب تک سندھ سے پیپلز پارٹی نہیں جاتی سندھ کے لوگوں کی زندگیوں میں خوشحالی نہیں آئے گی۔

پیپلز پارٹی نے سندھ کے لوگوں کو اتنا بیزار کردیا ہے کہ وہ لوگ خود اب متبادل قیادت اور حکومت چاہتے ہیں ظلم کی انتہاء تو یہ ہے کہ پیپلز پارٹی سندھ کے لوگوں کو بنیادی سہولیات تک فراہم نہیں کرسکی، ان خیالات کا اظہار انہوں نے حنید لاکھانی سیکریٹریٹ سے جاری کردہ بیان میں کیا۔

حنید لاکھانی نے کہا کہ سندھ حکومت کی ناقص کارکردگی اور نا اہلی کے بعد اب کراچی کے لو گ ایک پل بھی سندھ حکومت کو برادشت کرنے کے موڈمیںنہیں ہیں، کراچی کا مقدر کچرا اور غلاظت بنانے والے بے رحم سیاستدانوں کوقوم کبھی معاف نہیں کریگی ، کراچی کی عوام مدد کے لیئے پاکستان تحریک انصاف کو پکار رہی ہے۔

انہوں نے کہا کہ سندھ کی عوام کے مسائل کا حل صرف پاکستان تحریک انصاف کے پاس ہے ، پیپلز پارٹی کبھی بھی سندھ کے لوگوں کے لیئے اچھا نہیں کر سکتی کیونکہ یہ لوگ صرف کرپشن کے عاد ی ہیں ، انہوں نے کہا کہ سندھ میں اتنی کرپشن ہے جس کی حد نہیں ہے۔

مزید پڑھیں:سندھ حکومت کو تاجر کش پالیسیوں پر عمل کرنے کی اجازت نہیں دینگے،آفتاب صدیقی

سندھ حکومت کاکوئی ایسا منصوبہ نہیں ہے جس میں کرپشن نہ ہو، پیپلز پارٹی پورے پاکستان کی واحد سیاسی جماعت ہے جس کی لیڈر شپ سے لیکر تمام رہنما کرپٹ اور بے ایمان ہیں جس صوبے میں کرپشن بڑہتی ہے وہاں انفرااسٹرکچر تباہ ہوجاتا ہے اور عوام بنیادی سہولیات سے محروم ہوجاتے ہیں اور یہی حال اب سندھ کی عوا م کا ہے۔

انہوں نے مزید کہا کہ پاکستان تحریک انصاف بہت جلد عوامی طاقت سے سندھ میں حکومت بنائے گی اور سندھ کی عوام کی محرومیوںکا خاتمہ کریگی۔

وزیراعظم عمران خان بہت جلد صوبہ سندھ کا دورہ کریں گے ، وفاقی حکومت سندھ کی ترقی اور خوشحالی کے لیئے نہایت سنجیدگی سے اقدامات کررہی ہے کیونکہ صوفیائوں کی دھرتی ہونے کی وجہ سے سندھ پاکستان کا اہم ترین صوبہ ہے اور خصوصی اہمیت کی حامل سرزمین ہے۔