گوگل نیوز پر ہمیں فالو کریںسری لنکن کھلاڑی ٹی ٹوئنٹی سیریز میں پاکستانی کرکٹ ٹیم کا وائٹ واش کرنے کے بعد بحفاظت وطن واپس روانہ ہو گئے ہیں جبکہ نجی ائیر لائن کے ذریعے جانے والے مہمانوں کو کرکٹ بورڈ حکام نے لاہور ائیر پورٹ پر الوداع کہا۔
پاکستان کے خلاف ایک روزہ کرکٹ میں ناکامی کا سامنا کرنے والی سری لنکن ٹیم نے ٹی ٹوئنٹی سیریز میں تمام میچز جیت کر کلین سویپ کیا جس کے بعد دیگر عالمی ٹیموں کی پاکستان میں انٹری کے راستے ہموار ہو گئے ہیں۔
یہ بھی پڑھیں: سری لنکا سے ٹی ٹوئنٹی ہارنا افسوسناک، ٹیم بنانے کے لیے وقت چاہئے۔مصباح الحق
یاد رہے کہ اس سے قبل قذافی اسٹیڈیم میں کھیلے جانے والے تیسرے ٹی 20 میچ میں سری لنکا نے پاکستان کو 13 رنز سے شکست دے کر کلین سویپ کردیا۔سری لنکا نے جیت کیلئے گزشتہ روز پاکستان کو 148 رنز کا ہدف دیا جس کے جواب میں پاکستان ٹیم 134 رنز بناسکی اور یوں سیریز 0-3 سے سری لنکا کے نام رہی، حارث سہیل کے 52 رنز بھی ٹیم کے کام نہ آسکے۔
سیریز کے آخری ٹی20 میچ کا ٹاس سری لنکا کے کپتان داسن شناکا نے جیتا اور پہلے خود بیٹنگ کا فیصلہ کیا جس کے لیے پاکستان ٹیم میں 3 اور سری لنکا نے 5 تبدیلیاں کیں۔
سری لنکا کے ابتدائی بلے باز کوئی خاطر خواہ کارکردگی نہ دکھا سکے اور 58 کے مجموعی اسکور پر 4 کھلاڑی پویلین لوٹ گئے تاہم پانچویں وکٹ کی شراکت میں فرنینڈو اور شناکا نے ذمہ دارانہ اننگز کھیلیں۔
مزید پڑھیں: سری لنکا نے تیسری ٹی 20میں پاکستان کوشکست دے کرکلین سوئپ کردیا
