گوگل نیوز پر ہمیں فالو کریںراولپنڈی: ڈی جی آئی ایس پی آر میجرجنرل آصف غفورکاکہناہے کہ یوم دفاع کے حوالے سے مرکزی تقریب جی ایچ کیومیں صبح ساڑھے8 بجے ہوگی، ہمیں اپنےادارے پربہت فخرہے، ہمارے 81 ہزارسےزائدہیروزغازی بھی ہیں اورشہید بھی۔
ترجمان پاک فوج کا کہناتھا کہ شہادت کاجذبہ صرف فورسزتک محدود نہیں، قومی جذبہ ملکی دفاع کے لیے بہت ضروری ہے، دہشت گردی کے خلاف قوم نے بہت قربانیاں دی ہیں،زندہ قومیں اپنےشہدا کو ہمیشہ یاد رکھتی ہیں۔
ڈی جی آئی ایس پی آر نے کہا کہ ہمیں اپنے ادارے پر فخر ہے، دہشت گردی کے خلاف جنگ میں 81 ہزار سے زائد جانوں کا نذرانہ دیا، میری درخواست ہے کہ شہدا کی گلی اور محلوں میں ضرور جائیں۔
ترجمان پاک فوج نے کہا کہ آرمی چیف کہتے ہیں وہ عظیم فوج کے سپہ سالار ہیں، مائیں بچوں کو فوج میں بھیجتی ہی اس لیے ہیں کہ وہ جام شہادت نوش کریں۔ پاکستان جیساکوئی ملک،کوئی عوام،کوئی فورسزنہیں، شہیدکی فیملی افواج پاکستان کی پہلی ذمےداری ہے، حکومت اپنے وسائل کےمطابق شہداکےخاندانوں کاخیال رکھتی ہے ۔
