گوگل نیوز پر ہمیں فالو کریںراولپنڈی میں مری روڈ پر شہری کو گاڑی کے بونٹ پر بٹھا کر گاڑی چلانے کے واقعے پر کار سوار کے خلاف مقدمہ درج کرلیا گیا۔ مقدمہ ٹریفک وارڈن واحد اخلاق کی مدعیت میں تھانہ نیو ٹاؤن میں درج کیا گیا جس میں ملزم کے خلاف دفعہ 279 اور 427 کے تحت کارروائی کی گئی ہے جبکہ واقعے کی تفتیش جاری ہے۔
ٹریفک وارڈن کے مطابق واقعے کا علم سوشل میڈیا پر وائرل ہونے والی ویڈیو سے ہوا۔ تحقیقات میں معلوم ہوا کہ جمعے کی شب سیاہ رنگ کی گاڑی نے ایک کار اور موٹر سائیکل کو ٹکر ماری جبکہ ڈرائیور فرار ہوتے وقت شہری کو گاڑی کے بونٹ پر بٹھائے ہوئے تھا۔
واقعے کی ویڈیو 28 ستمبر کو سوشل میڈیا پر وائرل ہوئی جس میں موٹر سائیکل کو گاڑی کے اگلے حصے میں پھنسا ہوا اور سڑک پر گھسٹتے ہوئے دیکھا جا سکتا ہے۔
*راولپنڈی مری روڈ
گاڑی مالک کی کھلی بدمعاشی
موٹر سائیکل سوار کو گاڑی کے بونٹ پر بٹھا کر اور موٹر سائیکل کو آگے گھسیٹتا
رہا۔خوفناک مناظر کی وڈیو سامنے آگئی
مری روڈ پر لگے سیف سٹی کیمروں کی مانیٹرنگ پر بھی سوالات اٹھ گئے۔ https://t.co/Rh7myvRCNr
— Sher Muhammad (@SherMuh53636416) September 28, 2026
سی ٹی او راولپنڈی فرحان اسلم نے واقعے کا نوٹس لیتے ہوئے متعلقہ حکام کو مقدمہ درج کرنے کی ہدایت کی تھی۔ ٹریفک پولیس کے مطابق گاڑی اور ڈرائیور کی شناخت کے لیے تکنیکی ذرائع بھی استعمال کیے جا رہے ہیں۔
