گوگل نیوز پر ہمیں فالو کریںعالمی شہرت یافتہ امریکی پاپ گلوکارہ اور اداکارہ لیڈی گاگا اور ان کے منگیتر مائیکل پولانسکی کے ہاں پہلے بچے کی پیدائش ہوئی ہے جس کے بعد معروف فنکارہ کی زندگی میں ایک نئے اور اہم مرحلے کا آغاز ہوگیا ہے۔
امریکی میڈیا رپورٹس کے مطابق لیڈی گاگا اور مائیکل پولانسکی کو حال ہی میں شمالی کیلیفورنیا میں اپنے نومولود بچے کے ہمراہ دیکھا گیا۔ دونوں نے بچے کے ساتھ وقت گزارا اور اس موقع پر ان کی نجی زندگی بھی میڈیا کی توجہ کا مرکز بن گئی۔
چالیس سالہ لیڈی گاگا کا شمار دنیا کی کامیاب ترین پاپ گلوکاراؤں میں ہوتا ہے۔ وہ اپنی منفرد موسیقی، شاندار پرفارمنس اور اداکاری کے باعث عالمی سطح پر ایک نمایاں مقام رکھتی ہیں۔ وہ گریمی اور آسکر سمیت متعدد بڑے اعزازات اپنے نام کر چکی ہیں۔
لیڈی گاگا نے رواں برس اپنے مےہیم بال ورلڈ ٹور کا تقریباً نو ماہ پر محیط سفر مکمل کیا۔ اس عالمی دورے کے دوران گلوکارہ نے مختلف ممالک میں مجموعی طور پر 86 شوز کیے، جہاں ان کی پرفارمنس کو مداحوں کی جانب سے بھرپور پذیرائی ملی۔
دلچسپ بات یہ ہے کہ لیڈی گاگا پہلے ہی مستقبل میں خاندان شروع کرنے کی خواہش کا اظہار کر چکی تھیں۔ مارچ 2025 میں دی نیویارک ٹائمز کو دیئے گئے ایک انٹرویو میں انہوں نے کہا تھا کہ وہ زندگی میں ایک خاندان شروع کرنا چاہتی ہیں اور ماں بننا ان کی حتمی خواہشات میں شامل ہے۔
لیڈی گاگا اور مائیکل پولانسکی کے تعلقات گزشتہ چند برسوں سے خبروں میں ہیں۔ اب پہلے بچے کی پیدائش کے بعد دونوں کی زندگی میں ایک نئی ذمہ داری اور خوشی شامل ہوگئی ہے تاہم جوڑے نے اپنی نجی زندگی کے حوالے سے زیادہ تفصیلات عوام کے ساتھ شیئر نہیں کیں۔
