مِس امریکا 2020 کا ٹائٹل ورجینیا کی بائیوکیمسٹ کمیل شریئر کے نام

امریکا کی ریاست ورجینیا سے تعلق رکھنے والی 24 سالہ کمیل شریئر  مِس امریکا 2020 منتخب ہو گئی ہیں۔

ریاست ورجینیا کی بائیو کیمسٹ کیمیل شریئر نے اپنے سائنسی علم کے ذریعے لوگوں کو متاثر کرکے مس امریکا کا تاج اپنے سرسجا لیا۔ لیب کوٹ پہنے انہوں نے ہائیڈروجن پر آکسائیڈ کی عمل انگیزی کی دلچسپ انداز میں وضاحت کی۔

اس موقع پر شو کے تینوں ججز نے انہیں خوب داد دی اور ٹائٹل جیتنے کی خواہشمند 50 خواتین کے درمیان انہیں فاتح قرار دیا،انھوں نے یہ ٹائٹل مِس امریکا کا تاج سر پر سجانے کی خواہش مند 50 حسیناؤں کو شکست دے کر جیتا ہے۔

یہ مقابلے جیتنے کے بعد انھیں 50 ہزار امریکی ڈالر کی سکالرشپ ملی ہے،ان کا کہنا ہے کہ وہ ’مِس امریکہ کے بارے میں دقیانوسی تصورات کو توڑنا چاہتی ہیں، شریئر کی آبائی ریاست پنسلوانیا ہے۔

ایوارڈ جیتنے کے بعد خوشی کا اظہار کرتے ہوئے ان کا کہنا تھا کہ وہ ’ویمن آف سائنس‘ جو کہ ان کے لیے زیادہ موزوں ہے، بن کر مس امریکا 2020 کے حوالے سے دقیانوسی سوچ کا خاتمہ کرنا چاہتی ہیں۔

شریئر کا کہنا تھا کہ میں ملکہ حسن نہیں ہوں، میں تنظیم کی نمائندہ ہوں اور سر پر تاج سجائے فرد کے علاوہ بھی کچھ ہوں،کمیل شریئر کے پاس سائنس کی دو انڈر گریجویٹ ڈگریاں ہیں اور اب وہ ورجینیا کامن ویلتھ یونیورسٹی سے فارمیسی میں ڈاکٹریٹ کی تعلیم حاصل کر رہی ہیں۔