گوگل نیوز پر ہمیں فالو کریںکراچی: رینجرز نے کراچی کے مختلف علاقوں میں پانی چوروں کے خلاف آپریشن کے دوران 69 واٹر ٹینکر ضبط کرلیے۔
ترجمان سندھ رینجرز کے مطابق غیر قانونی ہائیڈرنٹس کے خلاف گرینڈ آپریشن کراچی کے علاقوں ایوب گوٹھ، پختون آباد، فردوس کالونی، ناظم آباد، منگھوپیر، جمشید کوارٹر اور قیوم آباد میں کیا گیا۔
آپریشن کشمیر ہائیڈرنٹ اور شاکر ہائیڈرنٹ سمیت 11 غیر قانونی ہائیڈرنٹس کے خلاف کیا گیا تھا، آپریشن کے دوران 69 واٹرٹینکر بھی تحویل میں لیے گئے۔
گھوٹکی میں گاڑی کا ٹرالر سے تصادم، دلہن سمیت ایک ہی خاندان کے 8افراد جاں بحق
ترجمان کے مطابق مجموعی طورپر 25 واٹر پمپ، 12 جنریٹر، پائپ، الیکٹرک کیبل اور دیگر مسروقہ سامان بھی تحویل میں لے لیا گیا اور دوران آپریشن 75 ملزمان کو بھی حراست میں لیا گیا۔
ترجمان نے مزید بتایا کہ پاکستان رینجرز سندھ غیر قانونی ہائیڈرنٹس کے مکمل خاتمے تک آپریشن جاری رکھے گی۔
