گوگل نیوز پر ہمیں فالو کریںوزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ نوجوانوں کے خوابوں کی تعبیر وزیراعظم عمران خان کا بنیادی مشن ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی اطلاعات فردوس عاشق اعوان نے کہا کہ نوجوان نسل ہمارا قیمتی اثاثہ اور پاکستان کے روشن مستقبل کی امید ہے۔
معاونِ خصوصی اطلاعات فردوس عاشق اعوان نے کہا کہ طلباء کے حقوق کے تحفظ اور مسائل کے فوری حل کے لیے وزیر اعظم نے وفاق اور صوبوں کو جامع حکمتِ عملی مرتب کرنے کی ہدایات دی ہیں۔
ڈاکٹر فردوس عاشق اعوان نے نوجوانوں کے مطالبے کو نہایت خوش آئند قرار دیتے ہوئے کہا کہ طلباء کی طرف سے حقوق کا مطالبہ کیا گیا جو نوجوان نسل کے بڑھتے ہوئے شعور و فکر کی عکاسی کرتا ہے۔
اپنے حقوق کا مطالبہ طلباء کے بڑھتے ہوئے شعور اور فکر کی عکاسی ہے جو نہایت خوش آئند ہے۔
— Dr. Firdous Ashiq Awan (@Dr_FirdousAwan) December 1, 2019
فردوس عاشق اعوان نے کہا کہ مملکتِ خداداد پاکستان کے طلباء وہ طاقت ہیں جو آنے والے دور میں ملکی ترقی کے لیے نئی سوچ اور بصیرت وجود میں لائے گی۔
انہوں نے کہا کہ طلباء وہ قوت ہیں جسے آنے والے دور میں ولولہ انگیز جمہوری قیادت بن کر اُبھرنا ہے جبکہ پاکستان کے نوجوان ہر چیلنج کا ڈٹ کر مقابلہ کرنے کا آہنی عزم رکھتے ہیں۔
ہمارے طلباء وہ طاقت ہیں جس نے آنے والے دور میں ملکی ترقی کیلئے نئی سوچ، بصیرت اور ولولہ انگیز جمہوری قیادت وجود میں لانی ہے۔ہمارے نوجوان ہر چیلنج کا ڈٹ کر مقابلہ کرنے کا آہنی عزم رکھتے ہیں۔
— Dr. Firdous Ashiq Awan (@Dr_FirdousAwan) December 1, 2019
یاد رہے کہ اس سے قبل معاون خصوصی اطلاعات فردوس عاشق اعوان نے کہا کہ مولانا یہ پارلیمان اس وقت تک جعلی نہیں ہو سکتی جب تک آپ کے فرزند اور آپ کی جماعت کے دیگر رہنما اس معزز ایوان میں براجمان ہیں۔
ایک ٹوئٹ میں گزشتہ روز معاون خصوصی اطلاعات فردوس عاشق اعوان نے کہا کہ مولانا یہ پارلیمان اس وقت تک جعلی نہیں ہو سکتی جب تک آپ کے فرزند اور آپ کی جماعت کے دیگر رہنما اس معزز ایوان میں براجمان ہیں۔
مزید پڑھیں: معاون خصوصی فردوس عاشق اعوان کی فضل الرحمٰن پر کڑی تنقید
