بابر کے کیریئر کا ابھی آغاز ہوا ہے، کوہلی کیساتھ موازنہ کرنا درست نہیں، مصباح الحق

لاہور: قومی کرکٹ ٹیم کے سابق کپتان مصباح الحق نے کہا ہے کہ بابراعظم کا کیریئر ابھی شروع ہوا ہے اس لئے اُن کا ویرات کوہلی کے ساتھ موازنہ کرنا درست نہیں ہے۔

سابق کپتان مصباح الحق نے لاہور میں میڈیا سے گفتگو کرتے ہوئے کہا کہ بابر اعظم پاکستان کے عظیم بلے باز ہیں، بابر ہر سال ہر فارمیٹ میں ٹاپ 5 رینکنگ میں آتے ہیں اس کی یہی وجہ ہے کہ وہ ایک کوالٹی کرکٹر اور بیٹر ہیں۔

اُن کا کہنا تھا کہ بابر اعظم کی اب تک شاندار پرفارمنس ہے ، انہیں جس طرح ٹارگٹ کیا گیا ہے وہ درست نہیں۔

یہ بھی پڑھیں:

بیلجیئم کو شکست دیکرجرمنی نے تیسری بار ہاکی ورلڈکپ جیت لیا

سابق کپتان نے کہا کہ بابر اعظم اور ویرات کوہلی کے درمیان موازنہ کرنا درست نہیں، کوہلی بہت زیادہ کرکٹ کھیل چکے ہیں جبکہ بابر کا ابھی آغاز ہے۔

مصباح الحق نے مزید کہا کہ قومی ٹیم کی وائٹ بال کرکٹ میں کارکردگی اچھی جا رہی ہے جبکہ ٹیسٹ پرفارمنس نیچے آئی ہے جس کے بارے میں سوچنا ہوگا۔