اریجیت سنگھ کا پاکستان آنے کا اعلان، مداحوں کا خیر مقدم

ممبئی: بھارت کے مشہور و معروف گلوکار اریجیت سنگھ نے پاکستان آنے کا اعلان کردیا، جس کا مداحوں کی جانب سے خیر مقدم کیا گیا ہے۔

حا ل ہی میں بھارتی گلوکار کے کنسرٹ کی ایک ویڈیو وائرل ہورہی ہے جس میں انھیں یہ کہتے پایا گیا ہے کہ میں بہت جلد پاکستان آرہا ہوں۔

ARIJIT SINGH COMING TO PAKISTAN,
TU HI HAI AASHIQUI!!!!!!!!!!!! pic.twitter.com/KQJDQYs15J

— arfaa/TALHA YUNUS (@_wineandvodka) May 22, 2022

یہ بھی پڑھیں:‘ڈونٹ گو عامر بھائی’ کہ ٹرینڈ چلاؤ یا کچھ بھی، میں جارہا ہوں، عامر لیاقت

واضح رہے کہ مغربی بنگال کے علاقے مرشدآباد میں پیدا ہونے والے 35 سالہ گلوکار اریجیت سنگھ نے امریکا کے شہر ہیوسٹن میں اپنے کنسرٹ کے دوران اپنے سریلے نغموں اور گیتوں سے سامعین کے دل جیت لیے۔

اریجیت سنگھ نے کنسرٹ کے اختتام پر پاکستان آنے کا اعلان کیا جس پر مداحوں کی جانب سے گلوکار کا خوب خیرمقدم کیا گیا۔

مزید برآں نامور گلوکار اریجیت سنگھ نے کہا کہ عاطف اسلم ان کے پسندیدہ گلوکاروں میں سے ایک ہیں جبکہ وہ راحت فتح علی خان اور شفقت امانت علی کو بھی بہت پسند کرتے ہیں۔