گوگل نیوز پر ہمیں فالو کریںراولپنڈی: پاک فوج کے شعبۂ تعلقاتِ عامہ (آئی ایس پی آر) کے مطابق بھارتی فوج نے سیز فائر کی خلاف ورزی کرتے ہوئے لائن آف کنٹرول پر فائرنگ کی جس سے 2 پاکستانی شہری زخمی ہو گئے۔
سماجی رابطے کی ویب سائٹ ٹوئٹر پر اپنے پیغام میں ڈائریکٹر جنرل آئی ایس پی آر نے کہا کہ بھارتی فوج کے مسلح دستوں نے گزشتہ شب دیر گئے سیزفائر پر بلااشتعال فائرنگ کی۔ ایل او سی اور ورکنگ باؤنڈری کے قریب چرکوٹ اور شکر گڑھ سیکٹرز میں فائرنگ کی گئی۔
پیغام میں ڈی جی آئی ایس پی آر نے کہا کہ بھارتی فوج نے جانتے بوجھتے شہری آبادی کو نشنہ بنایا چرکوٹ سیکٹر میں فائرنگ کے باعث 35 سالہ شہری زخمی ہوگیا۔معصوم شہری سیرین ولیج کا رہنے والا ہے جبکہ شکر گڑھ سیکٹر میں بھی 57 سالہ بزرگ شہری زخمی ہوگیا۔
ڈی جی آئی ایس پی آر کے مطابق 57 سالہ بزرگ شہری ننگال گاؤں کا رہنے والا ہے جسے فائرنگ کے باعث گہرے زخم آئے جس کے بعد دونوں افراد کو فائرنگ کی رینج سے دور لے جایا گیا جبکہ زخمیوں کو طبی امداد فراہم کی جارہی ہے۔
… 35 years old innocent civilian resident of Serian village got injured in Shakargarh Sector along Working Boundary, 57 years old citizen resident of village Nangal sustained serious injuries.
Both Injured have been evacuated and being provided with medical care. (2/2)— DG ISPR (@OfficialDGISPR) April 12, 2020
