وزیراعظم کامیاب جوان پروگرام کی زبردست پذیرائی،1 لاکھ 90 ہزار درخواستیں موصول

اسلام آباد:وزیراعظم کامیاب جوان پروگرام کی ملک بھر میں زبردست پذیرائی، لانچنگ کے 72 گھنٹوں میں 18 لاکھ نوجوان ویب سائٹ وزٹ کر چکے ہیں ۔

یہ بھی پڑھیں:وزیر اعظم عمران خان آج کامیاب جوان فلاحی منصوبے کا افتتاح کریں گے

میڈیا رپورٹ کے مطابق پروگرام کے تحت 1 لاکھ 90 ہزار آن لائین درخواستیں موصول ہو گئیں،کامیاب جوان پروگرام نے سابقہ تمام ریکارڈ توڑ دئیے۔ رپورٹ کے مطابق سابق دور میں مریم نواز کی جانب سے شروع کیا گیا پروگرام بھی پیچھے رہ گیا۔

رپورٹ کے مطابق لیگی حکومت کے یوتھ پروگرام کے پانچ سالوں میں 90 ہزار درخواستیں موصول ہوئیں تھی۔ عثما ڈار نے کہاکہ نوجوانوں نے کامیاب جوان پروگرام کا زبردست خیرمقدم کیا ہے،اس سے قبل شروع کئے گئے منصوبوں میں نوجوانوان کے لئے تکنیکی رکاوٹیں زیادہ تھیں۔

یہ خبر ضرورپڑھیں:کامیاب جوان پروگرام روزگار و دیگر مسائل حل کرنے میں سنگ میل ثابت ہوگا،فردوس عاشق اعوان

عثمان ڈار نے کہاکہ سسٹم آن لائین نہ ہونے ہر نوجوانوں کو بینکوں کے سامنے لائینوں میں لگا دیا گیا تھا۔ انہوں نے کہاکہ اب جدید نظام کے تحت نوجوان گھر بیٹھے 5 منٹ میں اپلائی کر سکتے ہیں۔انہوں نے کہاکہ اب تک 18 لاکھ افراد پورٹل پر آچکے ہیں،72 گھنٹوں کے اندر 1 لاکھ 90 ہزار درخواستیں موصول ہو گئیں،درخوستگزاروں میں بڑی تعداد طلبا اور فارغ التحصیل جوانوں کی ہے۔ عثما ن ڈار نے کہاکہ نوجوانوں پروگرام متعلق معلومات کے لیے KamyabJawan.gov.pk وزٹ کریں۔