گوگل نیوز پر ہمیں فالو کریںوزیراعلیٰ پنجاب سردار عثمان بزدار نے کہا ہے کہ قصورمیں بچوں کے ساتھ بدفعلی کےبعد انہیں قتل کرنے والے ملزمان کوجلد کیفرکردار تک پہنچایا جائے گا،انہوں نےملزمان کی اطلاع دینےوالے کو50لاکھ روپےدینے کابھی اعلان کیا۔
وزیراعلیٰ پنجاب عثمان بزدار چونیاں پہنچے جہاں انہوں نے متاثرہ خاندانوں سے ملاقات کی اور واقعے کے حوالے سے اعلیٰ حکام سے بریفنگ بھی لی، اس موقع پروزیراعلیٰ عثمان بزدار نے سانحہ چونیاں اور صوبے میں بچوں سے زیادتی اور قتل کے بڑھتے واقعات پر برہمی کا اظہار کیا۔
وزیراعلیٰ کا کہناتھا کہ پولیس کو ٹھیک کرنے کے لئے ہنگامی بنیادوں پر کام کرنے کی ضرورت ہے،صرف معطلیاں کافی نہیں بلکہ غفلت اور کوتاہی برتنے والوں کو ملازمت سے برطرف کیا جائے۔
بعدازاں میڈیاسےگفتگوکرتے ہوئے وزیراعلیٰ پنجاب کا کہناتھا کہ آئی جی کو ہدایت کی ہے جو افسر فارغ ہو رہے ہیں، ان کی پوسٹنگ دوبارہ نہیں ہوگی اور اس کیس میں کسی قسم کا
دباؤ اور کوتاہی قبول نہیں کی جائے گی۔ ہم جو ایکشن لیں گے وہ سب کو نظر آئے گا۔
یہ بھی پڑھیں: قصورمیں 3بچوں کاقتل،مشتعل مظاہرین کاشدیداحتجاج، پولیس اسٹیشن پرحملہ
سردار عثمان بزدار نے بتایا کہ قصور کے اندر چائلڈ پروٹیکشن سیل بنانے کا بھی حکم دیا ہے جبکہ چونیاں کو ہم سیف سٹی کے ساتھ منسلک کر رہے ہیں تاکہ مستقبل میں اس قسم کے واقعات کی روک تھام کیلئے مدد مل سکے۔
