گوگل نیوز پر ہمیں فالو کریںبالی ووڈ کی معروف اداکارہ امیشا پٹیل نے پاکستانی اداکار عمران عباس کو ڈیٹ کرنے اور اُن سے رومانوی تعلقات ہونے کی خبروں پر بھارتی میڈیا کو وضاحت پیش کی ہے۔
بھارتی میڈیا سے گفتگو کرتے ہوئے امیشا پٹیل نے کہا کہ میں ان تمام افواہوں کو سن کر کافی ہنسی تھی، میں نے سوشل میڈیا پر یہ تمام باتیں پڑھیں لیکن ہم دونوں میں ایسا کچھ نہیں ہے۔
انہوں نے کہا کہ میں عمران عباس کو بہت عرصے سے جانتی ہوں ہم دونوں نے امریکا میں ساتھ تعلیم حاصل کی تھی، اب بہت عرصے کے بعد میری ملاقات ہوئی تو میں اپنے پرانے دوست سے مل کر بہت زیادہ خوش ہوئی۔
اداکارہ نے عمران عباس سے رومانوی تعلق پر وضاحت دیتے ہوئے کہا کہ ان کی عمران عباس سے خلیجی ملک بحرین میں ملاقات ہوئی، وہیں تقریبات میں ساتھ شرکت کی اور ایک گانے پر ویڈیو بناکر انسٹاگرام پر پوسٹ کی۔ اُن کا یہ بھی کہنا تھا کہ جس گانے پر ہم نے ویڈیو بنائی وہ عمران عباس کا پسندیدہ گانا ہے۔
View this post on Instagram
یاد رہے کہ کچھ روز قبل 46 سالہ امیشا پٹیل اور 39 سالہ عمران عباس سے متعلق خبریں زیر گردش تھیں کہ دونوں کے درمیان اچھے تعلقات ہیں اور یہ ایک دوسرے کے ساتھ ڈیٹ کررہے ہیں۔
