گوگل نیوز پر ہمیں فالو کریںواشنگٹن: امریکا کے سابق نمائندۂ خصوصی زلمے خلیل زاد نے کہا ہے کہ پاکستان میں عدم استحکام خطے میں جنگ کا باعث بن سکتا ہے۔
تفصیلات کے مطابق اپنے متعدد ٹوئٹر پیغامات میں امریکا کے سابق نمائندۂ خصوصی زلمے خلیل زاد نے کہا کہ پاکستان میں عدم استحکام خطے کو غیر مستحکم کرسکتا ہے اور جنگ کا باعث سکتا ہے۔ پاکستانی اسٹیبلشمنٹ اور سیاستدان حالات قابو میں رکھیں۔
ملک بچانا ہے تو عدالتی حکم ماننا ہوگا، زلمے خلیل زاد
ٹوئٹر پیغام میں سابق نمائندۂ خصوصی برائے افغانستان زلمے خلیل زاد نے کہا کہ پاکستان کے سیاستدان اور اسٹیبلشمنٹ ایک میز پر بیٹھ کر باہمی اختلافات دور کریں۔ مجھے پاکستان کے مقامی تنازعات نے اپنے خیالات کے اظہار پر مجبور کیا ہے۔
Instead of stepping back from the brink, is the Pakistani establishment going to ratchet up the drama? Rumor has it that they intend to arrest Imran Khan's wife, Bushra Begum. And trot out an obscure sedition law to detain Imran Khan and keep him in prison. (1/3) #Pakistan
— Zalmay Khalilzad (@realZalmayMK) May 15, 2023
دریں اثناء اپنے ایک انٹرویو کے دوران زلمے خلیل زاد نے ایک سوال کا جواب دیتے ہوئے کہا کہ میں پاکستان میں تیزی سے بڑھتے ہوئے اقتصادی، سیاسی اور سلامتی کے بحران کے متعلق فکر مند ہوں۔ پاکستان تیزی سے غیر مستحکم، غریب اور کم محفوظ ملک بنتا جارہا ہے۔
خیال رہے کہ اس سے قبل سپریم کورٹ کے پنجاب میں الیکشن کرانے کے حکم پر زلمے خلیل زاد کا بیان سامنے آگیا جس میں انہوں نے ملکی قیادت پر سپریم کورٹ کے فیصلے کی کھل کر تائید کی۔
افغانستان کے لیے سابق امریکی نمائندہ خصوصی زلمے خلیل زاد گزشتہ ماہ ایک بار پھر پاکستانی حکومت کے خلاف بول پڑے، اور پنجاب میں الیکشن کرانے کے حکم پر سپریم کورٹ کے فیصلے کی حمایت کی ہے۔
