بلاول کی زبان پھسلی کیوں؟ کانپیں ٹانگ رہی ہیں پر ظہیر عباس کا گانا تیار

پاکستانی نژاد برطانوی گلوکار ظہیر عباس خان نے بلاول بھٹو زرداری کے زبان پھسلنے پر منہ سے نکلنے پر الفاظ کانپیں ٹانگ رہی ہیں پر گانا تیار کر لیا ہے جو سوشل میڈیا صارفین میں مقبول ہورہا ہے۔

فوٹو شیئرنگ پلیٹ فارم انسٹا گرام پر اپنے پیغام میں کسی بھی سیاسی جماعت سے لاتعلقی کا اظہار کرتے ہوئے گلوکار ظہیر عباس خان نے اپنا گایا ہوا گیت شیئر کیا جس میں انہیں اردو اور پنجابی میں کانپیں ٹانگ رہی ہیں گاتے ہوئے دیکھا جاسکتا ہے۔ 

یہ بھی پڑھیں:

وزیر اعظم 5سال پورے کریں گے۔ہمایوں سعید کا نیک تمناؤں کا اظہار

 

View this post on Instagram

 

A post shared by Zaheer Abbas Khan (@zaheerabbaskhan)

معروف گلوکار ظہیر عباس خان نے بلاول بھٹو زرداری کے منہ سے نکلے ہوئے الفاظ کو بار بار گیت کا حصہ بنایا۔ کلپ میں وزیر اعظم عمران خان کی تصاویر بھی شامل کی گئی ہیں جسے پی ٹی آئی کارکنان سمیت عوام کی بڑی تعداد نے پسند کیا۔ 

اپنے سوشل میڈیا پیغام میں ظہیر عباس خان کا کہنا ہے کہ بلاول بھٹو نے گزشتہ ہفتے کانپیں ٹانگ رہی ہیں جیسے فلمی الفاظ ادا کیے ۔ میں نے وہی شاندار شاعری نقل کرکے گیت بنایا ہے۔ عمران خان اور بلاول بھٹو کی محبت کی داستان خوبصورت ہے۔

سیاست سے لاتعلقی کا اظہار کرتے ہوئے ظہیر عباس خان نے کہا کہ میں کسی سیاسی پارٹی کی حمایت نہیں کرتا اور یہ گیت صرف ہنسی مذاق کیلئے ہے۔ اس لیے گانا سننے والے مجھ سے نفرت نہ کریں۔ سوشل میڈیا صارفین نے گیت کو مزاحیہ قرار دیا ہے۔