گوگل نیوز پر ہمیں فالو کریںلاہور: پاکستان کرکٹ بورڈ نے قومی کرکٹ ٹیم کے سابق کپتان یونس خان کو ٹیم کا نیا بیٹنگ کوچ مقرر کیا ہے۔
تفصیلات کے مطابق پی سی بی نے اہم اقدام اٹھاتے ہوئے سابق کپتان یونس خان کو 2022ء کے ٹی ٹوئنٹی ورلڈ کپ تک قومی کرکٹ ٹیم کا بیٹنگ کوچ مقرر کیا ہے۔
قومی کرکٹ ٹیم نیوزی لینڈ کے خلاف سیریز کھیلے گی جس کے دوران یونس خان بیٹنگ کوچ کے فرائض سرانجام دیں گے جبکہ ارشد خان کو قومی ویمن ٹیم کا باؤلنگ کوچ مقرر کیا گیا ہے۔
یاد رہے کہ اِس سے قبل پاکستان کرکٹ بورڈ نے قومی کرکٹ ٹیم کے سابق ٹیسٹ کپتان یونس خان کو ہائی پرفامنس سینٹر کی سربراہی کی پیش کش کی تھی۔
پی سی بی کے تحت یونس خان پہلے ہی قومی کرکٹ ٹیم کیلئے بیٹنگ کنسلٹنٹ کے طور پر خدمات سرانجام دے رہے تھے جبکہ ذرائع نے 4 روز قبل دعویٰ کیا کہ یونس خان کو کراچی کے ہائی پرفارمنس سینٹر کیلئے کل وقتی ملازمت کی پیشکش بھی کی گئی۔
مزید پڑھیں: یونس خان کو ہائی پرفارمنس سینٹر میں سربراہی کی پیشکش
