گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری نے کہا ہے کہ ہمیں قومی تحقیقاتی ادارہ (ایف آئی اے) اور احتساب بیورو (نیب) دونوں کو ضم کرکے ایک ادارہ بنانے کی ضرورت ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں وزیر سائنس و ٹیکنالوجی فواد چوہدری نے کہا کہ دنیا کے دیگر ممالک کے پاس عام طور پر تحقیقات کے مقصد کے لیے وفاقی سطح پر صرف ایک بڑی ایجنسی ہوتی ہے۔
وزیر سائنس و ٹیکنالوجی فواد چوہدری نے کہا کہ امریکا کے پاس فیڈرل بیورو آف انوسٹی گیشن (ایف بی آئی) جبکہ بھارت کے پاس سی بی آئی کا ادارہ موجود ہے، تاہم پاکستان میں ایف آئی اے اور نیب دو ادارے ہیں۔
فواد چوہدری نے کہا کہ پاکستان کے لیے بہتر ہے کہ ہم ایف آئی اے اور نیب کو ضم کرکے ایک ہی ادارہ بنادیں، تاہم حزبِ اختلاف (اپوزیشن) اور حکومت کو ایسی کسی ایجنسی کے قیام پر اتفاقِ رائے کے لیے مذاکرات کرنا ہوں گے۔
Countries usually have only one premier investigation agency at federal level USA has FBI, India has CBI we need to merge FIA and NAB but opposition n Govt must talk on how to ensure confidence of working of such agency https://t.co/oMhHpvZ3wn
— Ch Fawad Hussain (@fawadchaudhry) December 28, 2019
یاد رہے کہ اس سے قبل وفاقی وزیر برائے سائنس و ٹیکنالوجی فواد چوہدری نے کہا کہ ریاستِ پاکستان میں تمام شہریوں کو اپنے مذہب کے مطابق کسی بھی عبادت گاہ میں جانے کی مکمل آزادی حاصل ہے۔
سماجی رابطے کی ویب سائٹ ٹوئٹر پر چار روز قبل کرسمس کے موقعے پر مسیحیوں کو مبارکباد دیتے ہوئے وزیر سائنس و ٹیکنالوجی فواد چوہدری نے قائد اعظم کا ایک قول شیئر کیا۔
مزید پڑھیں: پاکستان میں کسی بھی عبادت گاہ جانے کی آزادی ہے۔ فواد چوہدری
