گوگل نیوز پر ہمیں فالو کریںصدرِ پاکستان ڈاکٹر عارف علوی نے کہا ہے کہ پاکستانی معاشرے کو پیداوار، استعمال اور اخراج سے آگے نکل کر بچت کی راہ اپنانی ہوگی جبکہ موجودہ دور تحقیق پر مبنی ہے۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ نئے دور میں ترقی کا انحصار صرف تعلیم و تحقیق پر ہے۔ زمین انسانوں سے مزید تحقیق کی طالب ہے۔
صدرِ مملکت ڈاکٹر عارف علوی نے کہا کہ ہمیں پیداوار و استعمال سے آگے بڑھ کر بچت، حفاظت اور تحفظ کے تصور پر عمل کرنا ہوگا، یہی آگے بڑھنے کا واحد طریقہ ہے۔
Its all about education & research in the new era. Humankind's foot print on earth is beyond its capacity to yield. From a produce-consume-waste society we must move towards a retain-conserve & save paradigm. We must commit. https://t.co/Od8msVtdd1
— Dr. Arif Alvi (@ArifAlvi) December 11, 2019
یاد رہے کہ اس سے قبل صدرِ پاکستان ڈاکٹر عارف علوی نے کہا کہ حکمرانوں اور صاحبانِ اقتدار کے احتساب کی سنہری روایت سب سے پہلے اسلام نے قائم کی جبکہ خلفائے راشدین اس کی زندہ مثال تھے۔
ٹوئٹر پر گزشتہ روز اپنے پیغام میں صدرِ مملکت ڈاکٹر عارف علوی نے کہا کہ خلفائے راشدین نے احتساب کے اصولوں کی تقلید اپنی ذات پر کرتے ہوئے زندہ مثالیں قائم کیں۔
احتساب کے حوالے سے صدر ڈاکٹر عارف علوی نے کہا کہ قوانین اور شفافیت و غیر جانبداری کے نفاذ کے ساتھ ساتھ معاشرے کو بدعنوانی کی حوصلہ شکنی کرتے ہوئے کرپٹ عناصر کو کیفر کردار تک پہنچانا ہوگا۔
مزید پڑھیں: حکمرانوں کے احتساب کی روایت پہلے اسلام نے قائم کی۔صدرِ مملکت
