چپکے چپکے کی تازہ قسط میں ناظرین فاضی سے خوفزدہ

رمضان المبارک میں ڈرامہ سیریل چپکے چپکے نے ناظرین کواپنے سحر میں جکڑ رکھا ہے اور اس ڈرامہ میں تمام اداکار اپنے اپنے کردار بخوبی نبھاتے دکھائی دے رہے ہیں تاہم تازہ قسط میں ناظرین فاضی سے خوفزدہ دکھائی دیئے۔

ڈرامہ سیریل چپکے چپکے میں مرکزی کردار مینو اور فاضی کو بیحد پسند کیا جارہا ہے جبکہ تازہ قسط میں فاضی اپنی چھوٹی بہن کا کردار ادا کرنیوالی اداکارہ کو کہتے ہیں کہ یہاں سے چلی جاؤ ورنہ میں تمہیں ماروں گا جس پر ناظرین بھی فاضی سے خوفزدہ دکھائی دیئے۔

واضح رہے کہ پاکستانی شوبز انڈسٹری کی معروف اداکارہ عائزہ خان نے نئے ڈرامہ سیریل چپکے چپکے کے یو ٹیوب کی ٹرینڈنگ ویڈیوز میں پہلے نمبر پر آنے پر خوشی کا اظہار کیا ہے۔

ڈرامہ سیریل چپکے چپکے میں مینو کا کردار نبھانے والی اداکارہ عائزہ خان نے عثمان خالد بٹ کے ہمراہ پہلی ہی قسط سے ناظرین کی توجہ حاصل کر لی۔ یوٹیوب پر چپکے چپکے پہلے نمبر پر آگیا۔

فوٹو شیئرنگ پلیٹ فارم انسٹا گرام پر خوشی کا اظہار کرتے ہوئے اداکارہ عائزہ خان نے کہا کہ چپکے چپکے پہلے نمبر پر ہے اور ڈرامے کی 21ویں قسط سے ایک سین کا اسکرین شاٹ بھی شیئر کیا۔