گوگل نیوز پر ہمیں فالو کریںآسٹریلوی کرکٹر عثمان خواجہ کی والدہ کی ڈیوڈ وارنر کو گلے لگانے کی تصویر سوشل میڈیا پر وائرل ہوگئی۔
ہفتہ کو سڈنی کرکٹ گراؤنڈ میں پاکستان کے خلاف تیسرے ٹیسٹ میچ میں ڈیوڈ وارنر کی قیادت میں آسٹریلیا نے 8 وکٹوں سے کامیابی حاصل کرکے مہمان ٹیم کو 3-0 سے وائٹ واش کردیا۔
آخری ٹیسٹ کی آخری اننگز میں ڈیوڈ وارنر 57 رنز بنانے کے بعد ساجد خان کی گیند پر ایل بی ڈبلیو ہوئے۔ اس کے ساتھ ہی ان کے ٹیسٹ کیریئر کا اختتام ہوگیا۔
ڈیوڈ وارنر نے آسٹریلیا کیلئے 112 ٹیسٹ میچز میں 8 ہزار 786 رنز بنائے۔ ان کے ٹیسٹ کیریئر میں 26 سنچریاں اور 37 نصف سنچریاں شامل ہیں۔
میچ کے بعد عثمان خواجہ کی والدہ فوزیہ طارق نے ڈیوڈ وارنر کو گلے لگاکر حوصلہ افزائی کی۔
‘My mum loves him. She calls him Shaytan. Devil. Satan. My mum loved the fact that he was the devil. And it wasn’t her son that she could just push it back to Lorraine and Howard [Warner’s parents]’
David Warner and Fozia Tariq, the mother of Usman Khawaja ❤️ pic.twitter.com/jGS7Na5OIe
— ESPNcricinfo (@ESPNcricinfo) January 6, 2024
رپورٹس کے مطابق دونوں آسٹریلوی کرکٹرز بچپن کے دوست ہیں اور وارنر خواجہ کی والدہ کو جانتے ہیں، یہی وجہ ہے کہ عثمان خواجہ کی والدہ ڈیوڈ وارنر کے آخری ٹیسٹ کے موقع پر ان کا حوصلہ بڑھانے اسٹیڈیم آئی تھیں۔
عثمان خواجہ کا اس حوالے سے کہنا ہے کہ جب سے ڈیوڈ وارنر مجھے جانتے ہیں میری والدہ کو بھی جانتے ہیں۔ میری والدہ ڈیوڈ وارنر سے بہت پیار کرتی ہیں۔ وہ اُسے پیار سے ڈیول (شیطان) کہتی ہیں۔
