گوگل نیوز پر ہمیں فالو کریںامریکا اور شمالی کوریا کے درمیان جوہری معاملات پر مذاکرات پھر بے نتیجہ ختم ہو گئے۔
امریکا اور شمالی کوریا کے حکام نے دونوں ممالک کے درمیان جوہری معاملات میں پائے جانے والے تعطل کو دور کرنے کے لیے سویڈن میں ملاقات کی۔
ملاقات میں شمالی کوریا کے جوہری میزائل پروگرام ختم کرنے پر بات چیت کا ازسر نوآغاز کیا گیا، دونوں ملکوں کے وفود کے درمیان رواں برس جنوری میں بھی ملاقات ہوئی تھی۔
امریکی صدر ڈونلڈ ٹرمپ اور شمالی کوریا کے سربراہ کم جونگ ان کے درمیان ہونے والی ملاقات کے بعد یہ دونوں ممالک کے درمیان ہونے والی پہلی باضابطہ ملاقات تھی۔
شمالی کوریا کے اعلی مذاکرات کار نے کہا ہے کہ امریکا کے ساتھ جاری جوہری مذاکرات ناکام ہو گئے، انہوں نے کہا کہ مذاکرات کی ناکامی کی وجہ امریکا ہے، امریکا نے اپنی پرانی روش نہیں چھوڑی۔
دوسری جانب امریکی حکام اس بات کی تردید کرتے ہیں کہ مذاکرات بے نتیجہ ختم ہوئے، واشنگٹن کا کہنا ہے کہ شمالی کورین حکام سے مذاکرات بہت اچھے ماحول میں ہوئے، امریکی حکام کے مطابق جوہری مذاکرات آگے ضرور بڑھیں گے۔
