گوگل نیوز پر ہمیں فالو کریںاقوامِ متحدہ نے مہلک کورونا وائرس کی روک تھام کیلئے کام میں مصروف عوامی خدمتگاروں کو خراجِ تحسین پیش کیا ہے۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ میں پبلک سرونٹس کیلئے گہری عقیدت کے ساتھ اظہارِ تشکر کرتا ہوں جو کورونا وائرس کے خلاف ہراول دستے کا کردار ادا کرنے میں مصروفِ عمل ہیں۔
پیغام میں اقوامِ متحدہ کے جنرل سیکریٹری انتونیو گوتریس نے کہا کہ بہت سے افراد کورونا وائرس کے خلاف خطرناک حالات میں بھی کام جاری رکھے ہوئے ہیں جبکہ افسوس کی بات یہ ہے کہ بہت سے لوگ کورونا وائرس کے خلاف لڑتے ہوئے جان کی بازی ہار گئے۔
جنرل سیکریٹری انتونیو گوتریس نے کہا کہ ہم کورونا وائرس کے خلاف ہراول دستے کا کردار ادا کرنے والے طبی اور دیگر اہم شعبوں سے تعلق رکھنے والے کارکنان کو خراجِ تحسین تو پیش کر رہے ہیں، اسی دوران ہمیں ان کی بہتر حفاظت اور معاشی ترقی کیلئے سرمایہ کاری بھی کرنا ہوگی۔
I want to share my deep gratitude with public servants on the #COVID19 frontlines.
Many of them are working in dangerous conditions. Others have sadly lost their lives.
As we honour these essential workers, we must also commit to better protect & invest in their well-being. pic.twitter.com/mjJQxrCMy8
— António Guterres (@antonioguterres) June 23, 2020
