گوگل نیوز پر ہمیں فالو کریںمتحدہ عرب امارات نے اپنے پہلے خلا باز ھذاالمنصوریکو خلائی مشن پر روانہ کردیا ہے۔
متحدہ عرب امارات کے خلا باز ھذا المنصوری اور دیگر دو بین الاقوامی خلاء باز قازقستان میں موجود خلائی مرکز سے سویوز ایم ایس 15 جہاز میں خلائی سفر پر رونہ ہوگئے۔
ھذاالمنصوری خلا کا سفر کرنے والے پہلے اماراتی جبکہ خلائی اسٹیشن آئی ایس ایس پر جانے والے پہلے عربی ہوں گے، المنصوری کے ہمراہ سلطان النیادی بیک اپ کےطور پر خلا ئی اسٹیشن جائیں گے ۔
اماراتی خلا باز ھذاالمنصوری نے روانگی سے قبل پریس کانفرنس کرتے ہوئے کہا کہ یہ مشن ذاتی طور پر میرے لیے اور متحدہ عرب امارات کے لیے ایک بڑا سنگ میل ہے۔شیخ زائد کا خواب پورا ہونے والا ہے۔
جہاز کے مدار میں داخل ہوتے ہی کنٹرول روم نے اعلان کیا کہ جہاز نے آخری مرحلہ بھی طے کر لیا اور مشن کامیاب ہوگیا۔
راکٹ کے ذریعے بھیجا جانے والا خلائی جہاز اپنے مدار میں داخل ہونے کے ساتھ ہی اعلیٰ کوالٹی کی تصاویر لے کر زمینی اسٹیشن کو ارسال کرنا شروع کر دے گا۔
ھذاالمنصوری آئی ایس ایس پر رہتے ہوئے سائنسی تجربات کریں گے اور بین الاقوامی خلائی اسٹیشن کی تفصیل زمین پر موجود اپنے ناظرین کے لیے عربی زبان میں پیش کریں گے۔ المنصوری کے سفر کو متحدہ عرب امارات کی خلائی شعبے میں ترقی کی علامت کے طور پر سراہا جا رہا ہے۔
