گوگل نیوز پر ہمیں فالو کریںکوالا لمپور: دو باڈی بلڈر پاکستانی بھائیوں دانش علی اور رضا باقری نے مسل مینیا ملائشیاء نامی باڈی بلڈنگ مقابلے میں گولڈ میڈل حاصل کرنے میں کامیاب ہوکراپنے وطن کا نام روشن کردیا۔
دانش علی جو اس سے قبل دبئی اور سنگاپور میں بھی گولڈ میڈل حاصل کرچکے ہیں، انہوں نے 70 کلوگرام کیٹگری میں بھارت کے انیش تشار کو ہراکر اپنی گولڈ میڈل جیتنے کی ہیٹ ٹرک مکمل کی۔
یہ بھی پڑھیں: سابق ٹیسٹ کرکٹرعبدالقادرلاہور میں انتقال کرگئے
دوسری جانب دانش کے چھوٹے بھائی رضا باقری نے 64 کلوگرام کیٹگری میں گولڈ میڈل جیت کر دُنیا کو حیران کردیا۔ اب دونوں باڈی بلڈر مسل مینیا پرو میں شرکت کرسکیں گے۔
باڈی بلڈر دانش علی نے اپنی فتح کو افواجِ پاکستان کے نام کرتے ہوئے بتایا کہ انہیں مزید مقابلوں کے لیے مالی تعاون کی اشد ضرورت ہے۔دونوں بھائی اپنے شوق اور پاکستان کی سربلندی کے لیے قرض لیتے ہیں اور جمع پونجی خرچ کرکے دُنیا بھر میں اپنے فن کا مظاہرہ کرتے ہیں۔
مزید پڑھیں: انڈر19ایشیا کپ میں بھارت نے پاکستان کو60رنزسے ہرادیا
