گوگل نیوز پر ہمیں فالو کریںاستنبول :ترکی کی وزارت داخلہ نے کہا ہے کہ ماضی میں داعش سے منسلک رہنے والے غیر ملکی دہشت گردوں کو ڈی پورٹ کرنے کے منصوبے کے تحت 11 افراد کو فرانس بھیج دیا گیا ہے۔
ترک وزارت داخلہ نے 11 افراد کو فرانس بھیجنے کا اعلان کیا لیکن اس حوالے سے مزید تفصیلات سے آگاہ نہیں کیا۔
رپورٹ کے مطابق فرانس کی وزارت خارجہ نے بھی اس حوالے سے کوئی بیان دینے سے گریز کیا لیکن سفارتی ذرائع کا کہنا تھا کہ ان 11 افراد میں 4 خواتین اور 7 بچے شامل ہیں۔
ترکی نے گزشتہ ماہ نیٹو سے اختلافات کے نتیجے میں داعش سے منسلک رہنے والے غیر ملکی دہشت گردوں کو ان کے ملکوں میں واپس بھیجنے کا اعلان کیا تھا جو یہاں زیر حراست تھے۔
انقرہ کی جانب سے یورپی ممالک پر الزام عائد کیا تھا کہ وہ مشرق وسطیٰ میں لڑنے والے اپنے شہریوں کو واپس لینے میں سست روی کا مظاہرہ کر رہے ہیں۔ترکی کے وزیر داخلہ سلیمان سولو نے گزشتہ ماہ اپنے ایک بیان میں کہا تھا کہ ترکی رواں برس کے اختتام تک زیر حراست اکثر مشتبہ افراد کو ان کے متعلقہ ممالک بھیج دے گا جن کا داعش سے تعلق رہا ہے۔
مزید پڑھیں : ترکی نے داعش سربراہ البغدادی کی اہلیہ کو گرفتار کر لیا،طیب اردوان کی تصدیق
