گوگل نیوز پر ہمیں فالو کریںاسلام آباد: ملک میں مہنگائی کی مجموعی شرح 37فیصد سے بڑھ گئی، ادارہ شماریات نے ہفتہ وار مہنگائی کے اعداد و شمار جاری کردیے۔
جاری اعداد و شمار کے مطابق رواں ہفتے مہنگائی کی مجموعی شرح 37.33 فیصد ریکارڈ کی گئی، ایک ہفتے میں 14 اشیائے کی قیمتوں میں اضافہ ہوا ہے۔
رپورٹ کے مطابق 14 اشیاء کی قیمتوں میں کمی بھی ریکارڈ کی گئی جبکہ 23 اشیائے ضروریہ کی قیمتیں مستحکم رہیں۔
ادارہ شماریات نے رپورٹ میں بتایا کہ ایک ہفتے میں پیاز کی فی کلو قیمت میں 17 روپے 63 پیسے جبکہ لہسن کی فی کلو گرام قیمت میں 21 روپے 58 پیسے کا اضافہ ہوا۔
افغان کرنسی 2023 کی تیسری مضبوط ترین کرنسی قرار
ایک ہفتے میں دہی، دال مونگ، جلانے کی لکڑی، دودھ اور ماچس بھی مہنگی ہونے والی اشیاء میں شامل ہے۔
اس کے علاوہ ٹماٹر کی فی کلو قیمت میں 7 روپے تک کمی ریکارڈ کی گئی جبکہ فی کلو زندہ مرغی 15 روپے 14 پیسے، چینی 2 روپے 49 پیسے سستی ہوئی ہے۔
ادارہ شماریات نے رپورٹ میں بتایا کہ مائع پٹرولیم گیس (ایل پی جی) کا گھریلو سلنڈر 13 روپے اور آٹے کا 20 کلو کا تھیلا بھی 19 روپے 12 پیسے تک سستا ہوگیا ہے۔
