گوگل نیوز پر ہمیں فالو کریںاسلام آباد: وزیر اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ دہلی میں بہنے والا بے گناہ بھارتی مسلمانوں کا لہو آج دو قومی نظرئیے کا گواہ بن گیا ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ دہلی میں مسلمانوں کے قتلِ عام نے ہندوستان کی تقسیم کی بنیاد رکھ دی ہے۔
ٹوئٹر پیغام میں معاونِ خصوصی فردوس عاشق اعوان نے کہا کہ ہندو جنونی پاگل جتھوں نے بے گناہوں کا خون بہا کر دو قومی نظرئیے کی صداقت کو تسلیم کر لیا ہے۔
پیغام میں معاونِ خصوصی فردوس عاشق اعوان نے کہا کہ قائدِ اعظم کے دو قومی نظرئیے کی سچائی کی گواہی آج ہر بے گناہ بھارتی مسلمان کا گرتا ہوا لہو دے رہا ہے۔
دہلی میں مسلمانوں کے قتل عام نے ہندوستان کی تقسیم کی بنیاد رکھ دی ہے۔ ہندو جنونی پاگل جتھوں نے بے گناہوں کا خون بہا کردوقومی نظریہ کی صداقت کو تسلیم کرلیا۔ قائد اعظم کے نظریے کی سچائی کی گواہی آج ہر بے گناہ بھارتی مسلمان کا گرتا ہوا لہو دے رہا ہے۔https://t.co/viAdDvK2wO
— Dr. Firdous Ashiq Awan (@Dr_FirdousAwan) March 3, 2020
معاونِ خصوصی فردوس عاشق اعوان نے کہا کہ بے گناہ مسلمانوں کا قتلِ عام بھارت میں رہنے والی اقلیتوں کو واضح پیغام ہے کہ بھارت میں ان کی جان و مال محفوظ نہیں۔
بے گناہ مسلمانوں کا قتل عام بھارت میں رہنے والی اقلیتوں کو واضح پیغام ہے کہ ان کی بھارت میں میں جان و مال محفوظ نہیں۔
— Dr. Firdous Ashiq Awan (@Dr_FirdousAwan) March 3, 2020
ڈاکٹر فردوس عاشق اعوان نے کہا کہ بھارت میں مسلمانوں پر ظلمت اور شب خون کی داستان نئی نہیں لیکن مودی کے دور میں ہندو انتہا پسندی عروج کو جا پہنچی ہے۔
فردوس عاشق اعوان نے کہا کہ آج مودی کا فسطائی نظریہ بانیانِ ہندوستان کے فلسفے پر کالک مل رہا ہے۔ اقلیتیں تباہ حال ہیں اور معاشرہ تقسیم کا شکار ہے۔
https://twitter.com/Dr_FirdousPTI/status/1234698577705828354
یاد رہے کہ اس سے قبل امریکا کے مختلف شہروں میں بھارت کے دارالحکومت نئی دہلی میں جاری مسلم کش فسادات کے خلاف مظاہرین سڑکوں پر آ گئے۔
امریکا میں دو روز قبل نیویارک، واشنگٹن ، شکاگو اور دیگر شہروں میں حالیہ مسلم کش فسادات اور مسلمانوں کے خلاف تعصب پر مبنی ظلم و ستم کے خلاف ریلیاں نکالی گئیں۔
مزید پڑھیں: امریکا میں دہلی فسادات کے خلاف لوگ سڑکوں پر آگئے
