احسن خان اور نیلم منیر نئی فلم میں ایک ساتھ اداکاری کرینگے، چکر کا ٹیزر ریلیز

پاکستانی شوبز انڈسٹری کے معروف اداکار احسن خان اور نیلم منیر نئی فلم چکر میں ایک ساتھ جلوہ گر ہوں گے جس کا ٹیزر ریلیز کردیا گیا ہے۔

تفصیلات کے مطابق احسن خان اور نیلم منیر چکر میں مرکزی کردار ادا کر رہے ہیں۔ دیگر فنکاروں میں جاوید شیخ اور یاسر نواز کو بھی ٹیزر میں اداکاری کرتے دیکھا جاسکتا ہے۔

یہ بھی پڑھیں:

گھریلوتشددپرتنقید، فیروز کا ڈرامہ اے مشتِ خاک کافر کی کہانی ہے۔ڈائریکٹر

چکر کے ٹیزر سے پتہ چلتا ہے کہ فلم کی کہانی جرم و سزا اور قتل کے کیس پر مبنی ہے جس میں ظاہری طور پر مرکزی اداکارہ کا اغواء، موٹر سائیکل سوار مسلح ملزمان کا حملہ، لاہور میں موجود مرکزی اداکاروں کی پریشانی سمیت دیگر مناظر دکھائے گئے ہیں۔

https://www.youtube.com/watch?v=PcqNzMAbhfk

قبل ازیں مارننگ شو کی میزبان اور اداکارہ ندا یاسر کا اپنی سالگرہ کے موقعے پر ریلیز کی گئی فلم چکر کا ٹیزر سوشل میڈیا پر ریلیز کرتے ہوئے گزشتہ روز کہنا تھا کہ پاکستان میں جرم و سزا پر مبنی فلمیں نہیں بنائی گئیں، جیسا کہ چکر میں کیا گیا ہے۔

ندا یاسر کے مطابق بھی فلم چکر کی کہانی قتل کے ایک کیس کے گرد گھومتی ہے جبکہ ٹیزر میں تمام فنکار متجسس انداز میں اپنا اپنا کردار نبھاتے نظر آتے ہیں جس سے یاسر نواز، احسن خان اور نیلم منیر سمیت تمام فنکاروں کو مثبت توقعات ہیں۔